Alcontráu en bon estáu un montañeru tres pasar la nueche desnortiáu n'Ayer

La busca duró tola nueche y remató col rescate esta mañana

Los servicios d'emerxencies alcontraron a primer hora d'esti vienres en perfectu estáu a un montañeru de 53 años que se desorientó cuando facía la ruta de'E Retriñón, n'Ayer. y que taba desapaecíu dende ayeri.

Según informó'l Serviciu d'Emerxencies del Principáu d'Asturies (SEPA), el 112 recibió a les 00:40 una llamada na que sollertaben de que nun se sabía nada del montañeru dende les 17:36, cuando falaren con él.

Según dixeron, el montañeru, esperimentáu y ensin problemes de salú, nun volviera responder a les llamaes dende entós.

La Sala 112 del SEPA movilizó al Grupu de Rescate, a la Unidá Canina y la Unidá de Drones y comunicó lo socedío a la Guardia Civil, que sobre les dos de la madrugada movilizó al equipu d'especialistes de monte.