Atopen el calabre d'un recién nacíu nun contenedor en Nuevu Roces (Xixón)

Policía xudicial y científica trabayen ensin fuelgu p'alcontrar a los proxenitores

El calabre d'un ñácaru foi atopáu esta madrugada nun contenedor de basura del barriu de Nuevu Roces, en Xixón, informa la Policía Nacional.

Una persona que taba buscando nos contenedores de la cai Jenaro Suárez Pérez foi quien atopó'l calabre del ñácaru dientro d'una bolsa y quien sollertó a la Policía del so afayu poco primero de les 03:00.

Efectivos policiales fueron al llugar xunto a profesionales sanitarios que certificaron que'l ñácaru, un varón, finara.

El calabre foi unviáu al Institutu de Medicina Llegal d'Uviéu pa practica-y l'autopsia y afitar les causes de muerte.

A la espera de conocer les causes de la muerte, policía xudicial y científica trabayen ensin fuelgu p'alcontrar a los proxenitores.