Dos mancaos leves na quema d'un pisu n'Avilés

La quema entamó nel bañu de la vivienda al quemar un aparatu eléctricu

Dos persones resultaron mancaes leves nuna quema rexistrada esta nueche nuna vivienda allugada nel cuartu pisu d'un edificiu d'ocho altores asitiáu na cai Fernando Moral, n'Avilés, informa'l Serviciu d'Emerxencies del Principáu.

Según los datos apurríos pol Serviciu d'Atención Médica Urxente (SAMU) dambos fueron evacuaos pa más pruebes, al Hospital San Agustín.

La quema anicióse pasada la medianueche nel bañu de la vivienda al quemar un aparatu eléctricu y el fumu afectó al restu del pisu, hasta'l que foi una dotación de bomberos del parque d'Avilés.