Radiotelevisión del Principáu d'Asturies Radiotelevisión del Principado de Asturias

Radiotelevisión del Principado de Asturias

Sucesos / Asesinatos

Fuente: RTPA, 10 de abril. 2024 20:36

El presuntu parricida de Soto (La Ribera) nun tiene antecedentes psiquiátricos nin penales

En castellano

El presunto parricida de Soto Ribera no tiene antecedentes psiquiátricos ni penales

Los profesionales reconocen les torgues que tien dar con diagnósticos psiquiátricos

Sigue ingresáu na Unidá de Psiquiatría del HUCA l’home acusáu de matar y decapitar a so padre en La Ribera. La Guardia Civil confirmó que nun tien antecedentes penales.

Tampoco tien historial psiquiátricu, anque según pudo saber TPA Noticies va dos años protagonizó un incidente en Grau, onde pasaba temporaes con so madre. Ellí tiró a la puerta d’unos vecinos una cabeza d’una oveya pa protestar pola tala d’unos árboles llantaos na llende de la finca familiar.

Los profesionales reconocen les torgues que tien dar con diagnósticos psiquiátricos

Partiendo del fechu de que’l presuntu autor del crime nun tenía antecedentes psiquiátricos, los profesionales d’esta rama de la medicina apellen a la prudencia. Enagora, nun hai diagnósticu señala José María Fernández, psiquiatra y ex-coordinador de salú mental del área V. Porque pue tratase namás d’un asesín.

A la espera de diagnósticu, psiquiatres y asociaciones de persones con enfermedá mental piden que nun se marque a estes persones apunta Daniel Rodríguez, presidente d’Afesa y José María Fernández.

Los profesionales reconocen amás les torgues que tien dar con diagnósticos psiquiátricos.