La Guardia Civil d'Asturies evacuó esti sábadu al Centru de Salú de Cabrales a dos persones mancaes na celebración de la Travesera de Picos d'Europa 2024, na que participaron 450 deportistes, con victoria del español Manuel Merillas y la francesa Maud Combarieu, en categoría masculina y femenina, respectivamente.
La primer actuación foi a les 12:30, cuando un montañeru que vía'l desarrollu de la prueba deportiva en La Canal de H.idiellu, sufrió una cayida, produciéndose una mancadura na cabeza y nuna pierna, informa la Benemérita.
Tres ser atendíu pol médicu, l'helicópteru de la Guardia Civil con asistencia de dos componentes del Grupu de Rescate y Intervención en Monte (Greim) evacuáronlu dende La Collada Dominguera al centru sanitariu.
Una hora más tarde un participante, na mesma canal, sufrió l'impactu d'una piedra na so cabeza, que-y causó mancadures, polo que nuevamente l’aeronave, tres facer el sofitu parcial d'un patín y cola ayuda de dos miembros de rescate metieron al mancáu na aeronave pal so treslláu al centru médicu n'Arenas.
© 2024 Radiotelevisión del Principado de Asturias | Todos los derechos reservados
Publicidad | Aviso Legal | Política de privacidad | Política de cookies | RSS | Sobre RTPA | Entidad adherida a AUTOCONTROL