L'asesín confesu d'Iván Castro niégase a participar na reconstrucción del crime

El casu sigue en fase d'instrucción y n'espera de xuiciu

L'asesín confesu d'Iván Castro negóse a participar esta tarde na reconstrucción del crime en La Felguera.

Ante una gran espectación de vecinos y cola presencia na cai de la familia de Castro, el principal encausáu pol asesinatu nun quixo entrar na cochera onde presuntamente mató de dellos disparos al mozu llangreanu en 2017.

El casu sigue en fase d'instrucción y n'espera de xuiciu.

Nel Centru Penitenciariu d'Asturies tán en prisión comunicada y ensin fianza l'autor confesu, Nelson, y Marta, la entós novia del mozu asesináu, como presunta collaboradora necesaria.