La Guardia Civil amplía la busca per tierra a la costa cántabra

Péñase la zona ensin resultaos

Efectivos de la Guardia Civil y del Serviciu d'Emerxencies del Principáu siguen güei, per cuartu día consecutivu, la busca per tierra y mar del home que foi vistu'l xueves pidiendo ayuda, frente a los bufones de Santiuste, en Llanes.

El rastrexu amplióse a la parte de Cantabria, onde una unidá aérea de la Guardia Civil va sumase güei a la busca del desapaecíu, según fontes del institutu armáu, que tien na zona tamién una patrullera del Serviciu Marítimu.

Per tierra, hai patrulles de Seguridá Ciudadana de Llanes y axentes del Seprona de Panes que tán peñando la zona qu'hai ente les sableres de La Franca y Mendía, y ente Pendueles y la llende con Cantabria.

Nel rastrexu participen tamién Bomberos del Serviciu d'Emerxencies del Principáu d'Asturies (SEPA), l'Equipu de Respuesta Inmediata d'Emerxencia (ERIE) acuática de Cruz Roja y Salvamentu Marítimu.