La Policía busca ensin ésitu la pistola cola que se mató al mozu de La Felguera

Los policíes ven un móvil pasional nel crime

La Policía Nacional punxo en marcha un dispositivu pa tratar d'alcontrar la pistola cola que foi asesináu Iván Lapa Castro, de 31 años. El so cuerpu ensin vida foi atopáu la tarde del 7 d'avientu nuna cochera asitiada nel númberu 10 de la cai Inxenieru Fernando Casariego del llugar llangreanu de La Felguera.

La busca centróse en Sotu Rei, en La Ribera, llugar onde l'home que foi deteníu va unos díes como supuestu autor del crime confesó que tiró l'arma.

Nel operativu trabayaron ensin éxitu la unidá de subsuelu de la Policía Nacional, que buscaron na zona de la ponte que xunta la cai Vegalencia y Sotu Rei.

La Policía Nacional detuvo va unos díes a un home, Nelson D., autor confesu de los disparos qu'acabaron cola vida d'Iván Lapa, y a la so pareya sentimental, Marta R., que foi novia de la víctima.

La Policía, que ve un móvil pasional nel crime, investiga si la muyer pudo actuar como cómpliz o como collaboradora necesaria.