La muyer y el neñu ingresaos en Santander evolucionen favoratiblemente nel Hospital de Valdecilla

La neña ta estable dientro de la gravedá nel HUCA

Siguen ingresaos la madre y los dos fíos de la familia de Grau que’l domingu pasáu fueron víctimes d’un escape de gas na so vivienda del barriu de La Mata. Anque, dientro de la gravedá, entama a haber avances.

A la muyer y al neñu de 11 años, que tán nel Hospital de Valdecilla, en Cantabria, quitáron-yos la sedación y respuenden énte estímulos.

Un grupu de familiares foi hasta ellí y pudieron velos. Nel casu de la neña, de nueve años, y que ta ingresada nel Hospital Universitariu Central d’Asturies, ta estable dientro de la gravedá.