Muerre una escursionista na ruta d'El Ríu Cares

La mujer cayó al ríu per un desnivel d'unos 20 metros

Una escursionista que taba faciendo la ruta d’El Ríu Cares dende Asturies morrió al caer hasta’l ríu per un desnivel d’unos 20 metros en Poncebos, al poco del entamu del trayectu, informa’l 112 Asturies.

El Centru de Coordinación d’Emerxencies recibió a les 19:53 d’ayeri l’avisu de qu’una muyer cayere al calce y que fuere sacada de la vera’l ríu por persones que taben faciéndo-y maniobres de reanimación cardiopulmonar.

Un equipu de rescate desplazáu hasta la zona nun helicópteru siguió coles maniobres de reanimación, pero a la fin nada pudo facese pa salvar la vida de la muyer accidentada.