Muerre una trabayadora de 'Conexón Asturies' nun accidente de tráficu

La muyer diba al so puestu de trabayu cuando chocó frontalmente con otru vehículu

Una muyer morrió y otru home mancóse de gravedá nun accidente de tráficu na carretera de Lluniego.

La muyer diba al so puestu de trabayu, en Proima Zebrastur, cuando chocó frontalmente con otru vehículu causándo-y la muerte.

María Bretón, natural d’Avilés, tenía 41 años. Llevaba 14 trabayando en Proima Zebrastur. Yera la coordinadora de conteníos del programa de 'Conexón Asturies'.

Nel accidente de tráficu viéronse involucraos dos vehículos. El conductor del otru coche ta n’estáu grave.

L’accidente foi pasaes les 13:30 y enagora desconocénse les causes del incidente.

Una edición amenorgada del programa y un recuerdu pa ella y la so familia, ye l’esfuerzu que güei fai l’equipu de 'Conexón Asturies', estrozáu pola pena.

Dende RTPA sumámosnos a les condolencies.