Prisión provisional pal presuntu parricida de La Ribera tres reconocer el crime

El deteníu por degollar a so padre sigue nel HUCA

El Xulgáu d'Instrucción númberu 3 d'Uviéu dictó una orde de prisión provisional, comunicada y ensin fianza pal home de 46 años deteníu'l pasáu llunes por matar y degollar a so padre nel conceyu asturianu de La Ribera, tres reconocer los fechos énte la maxistrada.

Fuentes del Tribunal Cimeru de Xusticia d'Asturies (TCXA) informaron de que'l titular del xulgáu adoptó la midida cautelar tres toma-y declaración nel Hospital Universitariu Central d'Asturies (HUCA), onde'l deteníu ta ingresáu nel área de psiquiatría dende la so detención.

Diches fontes apuntaron que l'arrestáu reconoció los fechos énte la xueza, que primeramente lu considera autor d'un delitu d'asesinatu, lo mesmo que de otros dos d'homicidiu en grau de tentativa pol ataque cometíu escontra dellos automovilistes, y otros de mancadures y maltratu.

La maxistrada adoptó la decisión d'alcuerdu al criteriu del fiscal, que vía riesgu de reiteración delictiva, anque l'arrestáu va tar pel momentu na unidá de psiquiatría del HUCA y nun va ingresar nel Centru Penitenciariu d'Asturies hasta que reciba l'alta.