Suiza refuga la entrega temporal del presuntu autor de la muerte d’Ardines

Tendrá que ser xulgáu en Suiza dientro de tres meses

La Fiscalía de cantón de Berna (Suiza) decidió nun afitar la entrega temporal del ciudadanu de nacionalidá arxelina investigáu como unu de los presuntos autores de la muerte del conceyal d'IX nel Conceyu de Llanes, Javier Ardines.

Según informó'l Tribunal Cimeru de Xusticia d'Asturies (TCXA), les autoridaes suices argumenten que'l ciudadanu solicitáu tendrá que ser xulgáu en Suiza dientro de tres meses por delitos cometíos dempués del asesinatu d’Ardines, que tuvo llugar el 16 d'agostu de 2018, polo qu'encamienten al Xulgáu de Llanes que vuelva pidir la entrega cumplíu esi periodu.

Na so notificación, l'autoridá federal de Xusticia del cantón suizu comprométese a caltener informaes a les autoridaes españoles de la situación penal del imputáu en Suiza y a certificar más p’alantre cuándo podría facese esa entrega temporal.

Según la mesma fonte, una vegada recibida esta comunicación, el Xulgáu de primer Instancia y Instrucción de Llanes, que pidió la entrega temporal el pasáu 27 de mayu, va quedar a la espera de poder formalizar una nueva solicitú del imputáu una vegada pasáu'l mentáu periodu de tres meses.