Un mozu ta ingresáu na UCI tres recibir una cuera nes fiestes del barriu de La Florida

La Policía Nacional abrió una investigación pa identificar a los autores de l'agresión

Un mozu ta ingresáu na UCI del HUCA tres recibir una cuera anueche nes fiestes del barriu de La Florida, n'Uviéu.

Según pudo saber TPA, el sucesu foi sobre les 05:00 de la madrugada cuando un grupu de mozos averóse a la víctima pa pidi-y tabacu. Nesi momentu, el mozu taba acompañáu de dos moces.

La Policía Nacional abrió una investigación pa identificar a los autores de l'agresión.

Esta nun ye la primer vegada que les fiestes de La Florida son escenariu d'un sucesu d'esta mena.