Un pesqueru con 12 tripulantes funde frente a la costa asturiana

Los servicios de rescate rescataron a tolos tripulantes

Salvamentu Marítimu  rescató a doce tripulantes del pesqueru fundíu a unes 50 milles al norte de la costa de Navia (Asturies), a los que tán treslladando n'helicópteru a Xixón y Celeiro (Lugo).

 
Al paecer, dellos de los tripulantes sufren hipotermia severa, polo que se pidió la presencia d'ambulanciaes pa da-yos asistencia sanitaria a la so llegada, informaron fuentes de Salvamentu Marítimu.

Siete de los tripulantes tán siendo treslladaos a Xixón y los otros cinco a Celeiro.

El barcu, nomáu Gure Uxua, acabó de fundise a 50 milles al norte de la costa asturiana, nuna xornada na qu'Asturias ta n'alerta naranxa por foles fuertes.

Salvamentu Marítimu recibió l'avisu del fundimientu sobre les 15:20 hores.

Darréu fueron movilizaos los dos helicópteros de Salvamentu Marítimu con base en Celeiro y Xixón, que son los que ficieron el rescate, asina como un terceru del serviciu gallegu de guardacostes.

Amás, tamién se movilizaron tres barcos del organismu dependiente del Ministeriu de Fomentu, la Guardamar Concepción Arenal, la Salvamar Capella y el buque Alonso Chaves.

El sucesu pasó nuna xornada na que'Asturies ta n'alerta naranxa por foles fuertes.

Y ye que, la boya oceanográfica del Observatoriu Marinu d'Asturies, de la Universidá d'Uviéu, allugada a unos 4 kilómetros de la costa de Cuideiru, rexistró dende la pasada nueche foles d'ente ocho y nueve metros, con una altura significativa -un parámetru que da una idea de l'altura aparente de les foles- d'hasta 5,5 metros.