Mancada de consideración una muyer nun choque frontal en Tapia

Nel accidente viéronse implicaos dos turismos

Una muyer mancóse de consideración nun accidente de tráficu nel que se vieron implicaos dos turismos que chocaron frontalmente na carretera que comunica’l pueblu de La Brañela, en Tapia, informa’l Serviciu d’Emerxencies del Principáu d’Asturies (SEPA).

L’afectada, de 56 años, foi treslladada al Hospital de Xarrio pol equipu médicu de la UVI-móvil n’estáu reserváu, a falta de más pruebes y hasta nueva valoración.

La muyer tuvo que ser evacuada de dientro del turismu que conducía por efectivos de Bomberos con base nel parque de Barres cola tabla de rescate dempués de ser inmovilizada con collarín.