Investígase si había personal controlando la vía onde ayeri un tren chocó y mató a un trabayador

El muertu, de 32 años, taba na carretilla elevadora cuando foi pilláu por un tren

Según pudo saber TPA, la investigación pola muerte ayeri del operariu de grúes El Roxu que trabayaba con una carretilla que foi chocada por un tren, céntrase en saber si na zona atopábase o non el pilotu. Ye la figura encargada de vixilar que nun pase nengún tren, mientres se faen trabayos nel tendíu eléctricu sobre la vía. Esi control failu davezu personal d'Adif.

El trabayador, de 32 años taba allugando, cola carretilla elevadora, la zona onde teníen d'empezar los trabayos. Taba previsto que, de siguío, xubiera con él el lletricista de la empresa encargada d'iguar el tendíu eléctricu.