Una quema destrúi una vivienda abandonada de tres altores n'Avilés

Dos persones taben nel interior del inmueble

Una quema rexistrada la pasada nueche destruyó una vivienda abandonada de tres altores allugada n'Avilés, informó esti llunes el Serviciu d'Emerxencies del Principáu d'Asturies (SEPA).

El Centru de Coordinación d'Emerxencies del 112 Asturies recibió l'avisu de la quema a les 23:24 y, minutos dempués, la Policía Nacional confirmó que dos persones que taben nel interior salieren fuera.

A llugar moviéronse bomberos de los parques d'Avilés, Pravia y La Morgal, que dieron la quema por controlada sobro les 3:15.

A primer hora d'esta mañana siguíen nel llugar efectivos del parque d'Avilés faciendo xeres de refrixeración dende l'esterior, porque la quema llevó al inmueble al colapsu.