Muerre un montañeru al espeñase en Picos d'Europa

El muertu ye un varón de 62 años, vecín de Xixón

Un montañeru morrió esti miércoles al espeñase n’El Corredor del Marqués, cerca de la cume de Peña Santa d’Enol, en Cangues d'Onís, en Picos d'Europa, informó'l Serviciu d'Emerxencies del Principáu d'Asturies (SEPA).

El Centru de Coordinación d'Emerxencies del 112 Asturies recibió a les 12:44 la llamada d'otru montañeru qu'informaba de que’l so compañeru espeñárase y qu’él taba enriscáu nun resquiebru.

La Sala 112 del SEPA movilizó al Grupu de Rescate col helicópteru medicalizáu y comunicó lo socedío a la Guardia Civil.

Sobre les 14:00, l'equipu de bomberos confirmó que'l montañeru que s'espeñara morriera.