Prindáu un home de 74 años acusáu d'incendiar un establecimientu pa cobrar el seguru

L'home ta acusáu de los delitos de simulación de delitu, estafa en grau de tentativa y estrozos

Un home de 74 años, vecín de Mieres, foi acusáu de provocar un incendiu nun establecimientu hosteleru de Payares el 2 de xunu pasáu, que tuviere arrendáu hasta’l día anterior, pa poder cobrar el seguru, informa la Guardia Civil.

L’home, acusáu de los delitos de simulación de delitu, estafa en grau de tentativa y estrozos, too ello cola supuesta intención de facese cola indemnización del seguru, que valoró los estrozos en 52.780 euros, foi prindáu’l 24 d’ochobre pasáu por mor de les investigaciones llevaes alantre pola Guardia Civil.

L’incendiu declaróse la madrugada del 2 de xunu nun establecimientu hosteleru de dos plantes y una intermedia asitiáu na N-630, que xune El Puertu Payares con L.lena nun momentu nel que nun había naide dientro.