Malnero morrió al caer y pegar escontra'l suelu dempués d'una griesca col so agresor

El visionáu de les cámares de seguridá sedrá fundamental p'afitar si foi o non un homicidiu imprudente

Sigue la investigación pola muerte, en Xixón, del DJ Eloy Malnero.

Too apunta a que víctima y agresor tuvieron una griesca na que se pegaron. Y por mor d’esi encontronazu, cayeron al suelu; pegando la víctima cola cabeza, lo que-y provocó’l traumatismu que-y causó la muerte.

El visionáu de les cámares de seguridá sedrá fundamental na investigación p’afitar si foi o non un homicidiu imprudente.