Muerre una muyer de 49 años al salir de la carretera'l so coche n'Ayer

La Unidá d'Investigación de Seguridá Vial d'Uviéu investiga les causes del accidente

Una muyer de 49 años morrió esti xueves al salir de la vía'l so vehículu mientres circulaba pela AS-386 nel conceyu d'Ayer, informó la Guardia Civil.

Según les mesmes fontes, l'accidente socedió a les 11:45 nel puntu kilométricu 13,700 de la mentada carretera.

Hasta'l llugar fueron dos patrulles de la Guardia Civil de Tráficu y la Unidá d'Investigación de Seguridá Vial d'Uviéu investiga les causes del accidente.