Prisión provisional pal prindáu por matar a un home en Sama

El muertu, de 69 años, tenía un fuerte golpe na cabeza

El maxistráu titular del Xulgáu de Primer Instancia y Instrucción númberu 3 de Llangréu ordenó esti miércoles la entrada en prisión provisional, comunicada y ensin fianza pal prindáu por matar a un home’l fin de selmana pasáu en Sama.

Según informaron fontes del Tribunal Cimeru de Xusticia d’Asturies (TCXA) la midida cautelar solicitada pola Fiscalía básase na existencia de pruebes d’un delitu d’homicidiu dolosu consumáu y na finalidá d’evitar la sustracción a l’acción de la xusticia y ocultación o alteración de fontes de prueba.

Dempués del autu dictáu pol maxistráu, l’home sedrá treslladáu darréu al Centru Penitenciariu d’Asturies.