Prindáu un home acusáu de delitos de robu con violencia y quebrantamientu de condena

Los fechos socedieron na madrugada del 10 de payares

Un home ingresó en prisión tres la orde del Xulgáu de 1ª Instancia y Instrucción nº 1 de La Pola (Siero) dempués de ser deteníu pola Guardia Civil como presuntu autor de dellos delitos de robu con violencia, mancadures y estafa tres afrellar a una víctima en Noreña, amás d'incurrir en quebrantamientu de condena sobre l'alloñamientu d'una muyer.

El socesu tuvo llugar el pasáu 11 de payares cuando la víctima, vecina de Siero, foi cutida tres ser parada pol deteníu y otru acompañante, que-y robaron la cartera y una tarxeta de creitu cola que ficieron reintegros por importe de 900 euros.

L'home, que quedó tiráu nel suelu ensin poder movese poles feríes hasta que, pasáu un tiempu, llogró contactar col so hermanu, tuvo que ser ingresáu nel HUCA onde foi interveníu quirúrxicamente por cuenta de les mancadures.