Secuestráu n'Arxelia un español por yih.adistes

Esteriores confirma'l secuestru

Un ciudadanu español foi secuestráu nel sur d'Arxelia por parte de miembros d'un grupu yih.adista, informaron a EFE dos fontes próximes a la investigación.

Anque a primer hora d'esti xueves la información disponible apuntaba a que la víctima podría tratase d'una muyer que falaba español, finalmente les fontes consultaes confirmaron que ye un home.

Esteriores confirma'l secuestru

El Ministeriu d'Asuntos Esteriores confirmó esti xueves pela nueche'l secuestru d'un ciudadanu español nel norte d'África.

Fontes oficiales d'Esteriores informaron de que "distintes fontes fiables confirmen qu'un ciudadanu español ta anguaño reteníu escontra la so voluntá nel norte d'África".

"El Gobiernu trabaya fondamente pa esclariar tolos aspeutos y llograr el so resolvimientu", informaron les fontes del Ministeriu d'Asuntos Esteriores.