Seis deteníos por robos con violencia en viviendes aisllaes en Les Regueres y Navia

Les detenciones fueron en Muros del Nalón, Avilés, La Felguera y Amieva

La Guardia Civil prindó n'Asturies a seis persones, de les que dos ingresaron en prisión, por delitos de robu con violencia cometíos en viviendes aisllaes nos conceyos de Les Regueres y Navia, con víctimes d'edá avanzada que vivíen soles.

Nun comunicáu la Benemérita informa que les seis detenciones tuvieron llugar a finales del pasáu mes de febreru tres la investigación abierta fai más d'un añu por mor del asaltu de xineru de 2024 nuna vivienda de Les Regueres y el producíu nel mesmu mes de 2025 nuna de Navia.

De les dos persones qu'ingresaron en prisión, a una d'elles atribúyese-y participación nel asaltu a dambos inmuebles.