Un home preséntase en comisaría y insulta a los axentes por nun alcontrar taxi en Llangréu

L'home presentóse "de forma alteradísima" nel cuartel de la Policía Local

La Policía Local de Llangréu prindó a un home que se presentó nel cuartel y entamó a insultar a los axentes porque nun alcontraba un taxi en plena madrugada.

Según informó esti martes l’ayuntamientu, los fechos fueron a les cinco de la madrugada d’ayeri, llunes.

L’home presentóse "de forma alteradísima" nel cuartel de la Policía Local indicando que llevaba esperando un taxi más de dos hores y entamó a insultar a los axentes.

L’home, que nun se quixo identificar, tuvo que ser reducíu a la fuerza pa ser treslladáu a dependencies de la Policía Nacional.