El prindáu dempués de vivir con so madre muerta dende facía meses pasará mañana énte'l xuez

El cuerpu nun presentaba aparentes signos de violencia

L’home que foi prindáu’l llunes pasáu dempués d’alcontrase dientro de la so vivienda’l cuerpu de so madre muerta dende facía meses pasará previsiblemente mañana, xueves, a disposición xudicial, apuntaron fontes del Tribunal Cimeru de Xusticia d’Asturies (TCXA).

Anque’l cuerpu nun presentaba aparentes signos de violencia, la investigación sigue pendiente de los resultaos definitivos de les pruebes forenses, inxertes les pruebes toxicolóxiques.

El prindamientu del home foi al rodiu de les 20:00 hores del llunes nun pisu del barriu uvieín de La Corredoria, onde l’home y so madre vivíen dende facía años, y onde tamién fueron rescataos once perros y tres gatos.

Los axentes fueron al domiciliu’l vienres pasáu pela tarde dempués de recibir una llamada al traviés del 091 de los vecinos, alertaos pol mal golor que salía de la vivienda, pero l’home nun los dexó entrar.