Denunciaos tres furtivos pola captura illegal de 30 kilos d'oricios en Cadavéu

El Serviciu d'Inspección y Vixilancia Pesquera del Principáu cunta con 17 axentes que dan serviciu nos más de 330 kilómetros de costa asturiana

Axentes d’Inspección y Vixilancia Pesquera del Principáu d’Asturies, en collaboración cola Guardia Civil, denunciaron esti vienres a tres furtivos pola captura illegal de trenta kilos d’oricios na playa de Cadavéu, nel conceyu de Valdés.

Los miembros del grupu, dos homes y una muyer, fueron garraos nel so vehículu xusto cuando diben abandonar la sablera, informó’l Gobiernu del Principáu.

Ún de los furtivos yera l’encargáu de garrar los oricios, mientres que los otros dos facíen llabores de vixilancia dende distintos puntos de la costa.