Esmantelen una rede que captaba y esplotaba a muyeres en prostíbulos en Lleón y Zamora

La rede tamién tenía presencia n'Asturies, Navarra y La Rioja

La Policía Nacional desarticuló una organización criminal dedicada a trata de muyeres pa la so esplotación sexual, nuna operación na que fueron arrestaes cinco persones, tres d'elles en Madrid y otres dos nes provincies de Lleón y Zamora, y lliberóse a cuatro víctimes.

La rede captaba a les víctimes, d'orixe llatinoamericanu y en situación de vulnerabilidá, al traviés d'aplicaciones de mensaxería y redes sociales cola promesa de trabayar n'España, pa lo que garraben una delda de 6.000 euros que teníen de saldar en prostíbulos allugaos en Lleón y Zamora, anque los investigadores afitaron que la rede tamién tenía presencia n'Asturies, Navarra y La Rioja.

Según informó la Dirección Xeneral de la Policía, la investigación empezó por delles denuncies presentaes por muyeres qu'aseguraben ser víctimes d'una rede que les esplotaba en distintos prostíbulos. Los investigadores afitaron a partir d'esi momentu la presencia de la organización nes provincies de Lleón y Zamora.