Un muertu dempués de salir de la vía y volcar el so coche nun regatu en Gozón

El coche taba coles puertes zarraes en metá d'un regatu

Un home morrió esti llunes al salir de la vía y volcar nun regatu’’l vehículu nel que viaxaba na AS-238, na contornada de Vioño, en Gozón, informó’l Serviciu d’Emerxencies del Principáu (SEPA).

Según los datos apurríos pol Serviciu d’Atención Médica Urxente (SAMU), los sanitarios desplazaos al llugar namás pudieron confirmar la muerte del home.

El Centru de Coordinación d’Emerxencies del 112 Asturies recibió l’avisu a les 10:17 nuna llamada fecha por un particular dende un autobús na qu’informada de qu’había un coche volcáu, coles puertes zarraes, en metá d’un regatu.

La Sala 112 del SEPA activó una dotación de Bomberos del SEPA con base nel parque avilesín y pasó l’avisu al SAMU y a la Guardia Civil de Tráficu.

Sobre les 12:15, los bomberos procedieron a recuperar los restos mortales del muertu, que quedaron baxo custodia de la Guardia Civil.