Muerre un home atrapáu pol so tractor en Cangas del Narcea

L'equipu sanitariu desplazáu al llugar namás pudo confirmar la muerte del home

Un home de 74 años perdió la vida esti llunes dempués de volcar un tractor y quedar atrapáu, en circunstancies que se desconocen, nuna pista que comunica los pueblos de Rañeces y Curriel.los, nel conceyu de Cangas del Narcea, informa’l 112 Asturies.

Según los datos apurríos pol Serviciu d’Atención Médica Urxente (SAMU) l’equipu sanitariu desplazáu al llugar namás pudo confirmar la muerte del home.

Hasta la zona fueron efectivos de Bomberos del Serviciu d’Emerxencies del Principáu con base nos parques de Cangas del Narcea y Grandas de Salime.