Atopen nun tendeyón y en bon estáu al vieyu desapaecíu en Villaviciosa

L'home desapaeció cuando daba una vuelta cerca de la casa familiar

Alfonso Ponga, un vieyu de 85 años que desapaeciera'l pasáu domingu cuando salió a pasiar pela contorna d'Oles, nel conceyu de Villaviciosa, foi atopáu en bon estáu pol so fíu nun tendeyón, según informó a EFE la Guardia Civil.

L'alcalde de Villaviciosa, Alejandro Vega, pidiera esti martes la collaboración ciudadana a los vecinos del conceyu pa que participen nel dispositivu de busca del vieyu.

Nel equipu de rescate, qu'empecipiara la so segunda xornada de busca, participaron tres bomberos de Villaviciosa, la Unidá Canina con bomberes de La Morgal, l'equipu de Drones, dos componentes de la Guardería del Principáu y personal de Protección Civil de Villaviciosa, según informó la Guardia Civil.

Pela so parte, la Guardia Civil collaboró con unidaes del Serviciu Cinolóxicu y miembros del Grupu d'Especialistes n'Actividaes Subacuátiques (GEAS) y del Grupos de Rescate Especial d'Intervención en Monte (Greim).