Desmantelen un grupu que vendía per Internet autocaravanes y 'campers' que robaben enantes

Los prindaos son de nacionalidá española, belga, venezolana, griega y búlgara

Cuatro homes y una muyer d’ente 48 y 62 años fueron prindaos na provincia d’Alicante al desmantelar un grupu criminal especializáu en robar autocaravanes y furgonetes camperizaes pa vendeles nuna conocida plataforma d’internet de segunda mano dempués de camudar los números de bastidor y etiquetes del fabricante.

Según la Policía Nacional, los prindaos son de nacionalidá española, belga, venezolana, griega y búlgara y cuatro d’ellos cuntaben con antecedentes policiales. Tres de los prindamientos fueron en Cocentaina y los otros dos en Benidorm.

La investigación arrancó cuando, nuna "patrulla virtual", los axentes detectaron nuna conocida plataforma de compra y venta, dos autocaravanes sospechoses y descubrióse que se camudaron los sos númberos de bastidor y otros datos pa documentales llegalmente n’España.