El presuntu parricida de La Ribera permanez ingresáu nel área de psiquiatría

El deteníu intentó afrellar a dellos conductores con un hachu y tira-yos la cabeza del muertu

L'home de 46 años deteníu anueche por supuestamente matar y degollar a so padre nel conceyu asturianu de La Ribera pasó la nueche na unidá de psiquiatría del Hospital Universitariu Central d'Asturies (HUCA), onde va tar pel momentu, informaron esti martes a EFE fuentes de la Guardia Civil.

Eses fontes apuntaron que l'home, que foi deteníu pasaes les 22:00 hores del llunes cuando trataba d'atacar con un hachu a dellos automovilistes, nun tien antecedentes policiales y que se tán faciendo les xestiones necesaries pa pescudar si cunta con dalgún tipu d'historial psiquiátricu.

Pel momentu, ye previsible que l'arrestáu pase so l'atención psiquiátrica especializada del HUCA "dalgún día más", apuntaron a EFE les fontes consultaes.