Hermetismu na investigación pola muerte violenta de Javier Ardines

Los investigadores busquen la procedencia de les valles allugaes para tende-y una trampa

La investigación del crime de Javier Ardines, el que fuera únicu conceyal d'IX nel Ayuntamientu de Llanes, llévase alantre con munchu hermetismu.

El conceyal llaniscu asesináu hai un par de díes a les puertes de so casa apaeció tiráu nel suelu, en mediu d'un gran charcu de sangre y col rostru desfiguráu dafechu pola brutal cuera que-y dieron, según fuentes cercanes a la investigación.

Les manes y los pies del edil d'IX fueron vendaes nel llugar del crime pa protexer con procuru los posibles restos d'ADN, según pudo saber TPA Noticies.

Los investigadores tabién se centraron n'atopar l'orixe de les valles que fueron allugaes en metá d'esti camín pa tende-y una trampa a Ardines cuando salía a trabayar como patrón d'esti barcu y, incluso, entrugaron a los vecinos de la zona poles parrillaes que se ficieron pela zona nes hores previes al asesinatu del edil llaniscu.

Xustamente, enfrente del llugar onde socedío la mortal agresión, hai una vivienda con cámares de vixilancia qu'a estes hores, mui probablemente, yá foi pescudada pola policía científica pa intentar, cuanto primero, iguar el crime.