La Guardia Civil investiga un blanquéu de dineru del narcotráficu nel Real Avilés

Dellos prindamientos y un rexistru na sede de la Federación Española de Fútbol

El presidente de la Federación d’Asociaciones Xitanes de Baleares, Carlos Cortés 'El Charly', prindáu na operación 'Jaque Mate', pudo utilizar la estructura empresarial del Real Avilés Club de Fútbol pa blanquiar dineru viniente del narcotráficu, según l’atestáu del Equipu de Delincuencia Organizada Antidroga de la Guardia Civil.

El presidente y propietariu del Real Avilés, Diego Baeza, que nun ta investigáu nin prindáu, afirma que la única rellación que tien col cabezaleru de la trama ye polos pagos d’una opción de compra qu’heredó de los anteriores xestores del Club.

La Guardia Civil rexistra la sede de la Federación Española de Fútbol y fai dellos prindamientos

La Unidá Central Operativa de la Guardia Civil ta llevando alantre un rexistru na sede de la Real Federación Española de Fútbol. Failo nuna investigación venceyada colos supuestos contratos irregulares nos últimos cinco años, y fizo dalgunos prindamientos.

Los axentes investiguen presuntos delitos venceyaos cola corrupción nos negocios, l’alministración deslleal y el blanquéu de capitales.