La Guardia Civil va denunciar al conductor del accidente de Cuideiru por un delitu escontra la seguridá vial

El mozu dio positivu nes pruebes d'alcohol y droga

La Guardia Civil va denunciar al conductor que sufrió un accidente na madrugada del domingu en Cuideiru, nel que morrió'l so acompañante.

El mozu dio positivu nes pruebes d'alcohol y droga, polo que la Guardia Civil considéralu responsable d'un delitu escontra la seguridá vial.

Esta mañana recibió l'alta del Hospital San Agustín, onde tuvo ingresáu n'observación. El copilotu que morrió nel accidente tenía 28 años y yera vecín d'Ouviñana, onde esta tarde oficiaráse'l so funeral. Yera'l titular d'una farmacia en Xixón.