Más de mediu centenar de vecinos busquen a Ana Belén Álvarez

La moza, vecina de Peñaullán, desapaeció va una selmana

En Pravia, más de mediu centenar de vecinos organizáronse pa facer batíes en busca d'Ana Belén Álvarez, la moza de 37 años, vecina de Peñaullán, que desapaeció fai yá una selmana.

La busca, que surdió de manera espontánea, entamóse al traviés de la redes sociales. Nun principiu, diba mirase alredor de la sienda del ríu Nalón, pero énte'l gran númberu de voluntarios, les batíes enancháronse a dellos llugares del conceyu.

Recordamos qu'Ana Belén falta de la so casa dende'l pasáu domingu pela tarde. Nel momentu de la so desapaición, vistía una sudadera colorada y un pantalón escuru de deporte.