Prindaes nueve persones por dellos robos n'establecimientos d'Avilés

Les persones prindaes y investigaes cunten con gran historial delictivu

La Policía Nacional prindó a nueve delincuentes multirreincidentes n’Avilés, en concreto, ocho homes y una muyer, dempués de la so presunta participación en siete robos con fuerza en distintos locales asitiaos na zona centru de la ciudá, los más d’ellos nel barriu d’El Carbayedo.

La operación fízose en coordinación cola Policía Local d’esta ciudá, dempués d’unos siguimientos dende finales del mes d’abril pasáu pa dar col prindamientu d’estes persones qu’actuaben sobre manera n’establecimientos d’hostelería, de los que robaben productos y dineru n’efectivo, informó esti martes la Xefatura Cimera de Policía d’Asturies.

Los robos investigaos yeren sobre manera na zona centru de la ciudá, cinco d’ellos alredor de la plaza d’El Carbayedo, y en cuatro de los robos los autores fueron sorprendíos 'in fraganti'.