Prindáu por robar xoyes y dineru a muyeres mayores pa les que trabayaba en Grau

Interveníes abondes xoyes y pieces de bisutería d'alta calidá, asina como 11.000 euros

La Guardia Civil prindó a un home pol robu de dineru y abondes xoyes y pieces de bisutería d’alta calidá pertenecientes a tres muyeres d’avanzada edá a les que cuidaba o pa les que facía xeres pa en casa en Grau.

Según informó l’Institutu Armáu, l’arrestu foi’l 20 de marzu pasáu, dempués del rexistru de la so casa, pola comisión d’un delitu de siguíu de furtu de xoyes y robu con fuerza de dineru d’una caxa de caudales.

Nel desendolcu del rexistru fueron interveníes abondes xoyes y pieces de bisutería d’alta calidá, asina como 11.000 euros vinientes d’ún de los fechos investigaos, que taben dientro d’una caxa de caudales zarrada con llave.