Rescataos los dos tripulantes d'un pesqueru fundíu frente a Peñes

Una ambulancia esperaba a los dos tripulantes n'El Musel

Salvamentu Marítimu rescató a los dos únicos tripulantes d’un pesqueru que fundiere esti llunes a unes catorce milles náutiques de Peñes, informaron a EFE fontes de la sociedá dependiente del Ministeriu de Tresportes.

Los dos tripulantes fueron rescataos pol helicópteru Helimer 202 cuando yá taben nuna balsa salvavides, a la que recurrieron dempués d’abrise una vía d’agua nel pesqueru, de cuasi diez metros d’eslora.

El naufraxu del 'Nuevo abril', con base en L’Arena, nel conceyu de Sotu’l Barcu, foi a unes 14 milles náutiques al oeste/noroeste de Peñes.