Webcams
Buscar
Los nicios apunten a intoxicación por monóxidu de carbonu
Un home morrió y una muyer y dos menores d'edá graves polo que paez ser una intoxicación por monóxidu de carbonu, en circunstancies que se desconocen, socedida esti domingu nuna vivienda allugada en La Mata, nel conceyu de Grau.
El Serviciu d'Emerxencies del Principáu d'Asturies (SEPA) informa que según los datos apurríos pol Serviciu d'Atención Médica Urxente (SAMU), la muyer y dambos menores, fueron treslladaos al Hospital Universitariu Central d'Asturies (HUCA).
Una llamada al Centru de Coordinación d'Emerxencies a les 11:56 sollertó de que na vivienda había un home nel suelu y nun respondía.
Una vegada na zona, los efectivos de bomberos comprobaron col esplosímetru l'inmueble y detectaron una concentración bien alta de monóxidu de carbonu na vivienda.
La Guardia Civil fíxose cargu de los trámites pal llevantamientu del cuerpu ensin vida del muertu.
