Webcams
Buscar
Ver transcripción Momento actual
Esti domingu en Sonadía, el viaxe musical que nos tienen preparáu Mar y Alicia Álvarez va llevanos a transitar pela música tradicional renovada, el rock & roll, la música electrónica y el jazz.
Ye toa una estrella y referente dientro y fuera d’Asturies. A Rodrigo Cuevas nagüen por velu, nagüen por sentilu, nagüen por disfrutar de les sos propuestes, tan arriesgaes como divertíes…D’alcuerdu col artista Cuevas, la clave del so éxitu ta na diversión. Nos sos espectáculos, tol mundu disfruta: el públicu, la so banda y él mesmu. Premiu Nacional de Músiques Actuales 2023, Rodrigo Cuevas siente qu’esa reconocencia ye un homenaxe a tola xente que trabaya na tradición asturiana. Manual de cortejo, Manual de romería y yá piensa nel manual siguiente… D’esto y muncho más fálanos en Sonadía, onde va interpretar temes como ‘Valse’.
Querida Margot ye un proyectu mozu onde’l rock & roll más clásicu ye la esencia, con referencies musicales que van dende Bruce Springsteen a Lou Reed, pasando per Carlos Raya… Querida Margot surde nel 2022; yá tienen el so primer discu nel mercáu producíu por Hector Tuya, y trabayen nel segundu. Nuna azotea al más puru estilu Beatles, vamos atopanos con ellos pa charrar de la so música y escuchar dos temes del so discu
Atentamente.
El nuestru viaxe sigue con un nome esencial na música electrónica. Cachito Turulo formó parte de Fasenuova cuasi 20 años y agora en solitario continúa investigando en ritmu y harmoníes. A puntu de sacar un LP, el so primer EP Crísper en el hi hat escoyóse meyor EP 2023 pola revista Deluxe. Ente tables y pistes de skate vamos disfrutar de la so charla y la so música. Cachito Turulo reafírmase como músicu, sobre manera, que trabaya col llinguaxe musical, que-y presta facelo en locales d’ensayu públicos o underground y con sellos asturianos como Humo.
Terminamos capítulu con un tríu de jazz. AKNOT ye una formación recién que transita del jazz más tradicional al más modernu y actual. Indonesia, Canadá y Asturies son los sitios d’orixe de los sos componentes, fechu qu’influye na manera d’harmonizar de caún d’ellos y na singularidá d’una formación que, amás, estrémase por utilizar l’órganu.
para visualizarlos
© 2024 Radiotelevisión del Principado de Asturias | Todos los derechos reservados
Publicidad | Aviso Legal | Política de privacidad | Política de cookies | Consentimiento de cookies | RSS | Sobre RTPA | Entidad adherida a AUTOCONTROL