Webcams
Buscar
Reproductor de Vídeo is loading.
Ver transcripción Momento actual
Subir al vídeo
- 0:03Entós, tron, ¿esto cómo va?
- 0:06Ná, pinta, si nun se mueve, nun glaya, nun espatuxa,
- 0:09nun marcha corriendo, nun grita nin berra, ye que va too bien.
- 0:14Podía tar hores mirándolu ensin m'aburrir.
- 0:17Son tan guapos? -Perguapos.
- 0:19Adorables. -Prestosos.
- 0:21Curiosinos. -Gayasperos.
- 0:22Pa comelos. -Preciosos.
- 0:24Fermosos. -Perfermosos.
- 0:26Xabacinos. -¿Xabacinos?
- 0:29¡Animalada Xabaz!
- 0:34¿Quién ye Cellero? ¡El vieyu del cuentu!
- 0:38¿Quién ye Fefa? ¡La fía de Cellero!
- 0:41¿Quién ye Enol? ¡Un mozu neorrural!
- 0:43¡Animalada Xabaz! ¡Qué animalada!
- 0:47¡Animalada Xabaz! ¡Qué animalá!
- 0:54Vienen pola esllava los animales.
- 0:56Sabela, la osa. El xabaril, Xuacu.
- 1:00La cabra ye Telva. Y el trasgu.
- 1:02¡Animalada Xabaz! ¡Qué animalada!
- 1:06¡Animalada Xabaz! ¡Qué animalá!
- 1:09Y meten munchu ruíu los Anti-pop:
- 1:12el Pola y el Gallu.
- 1:15¡Animalada Xabaz! ¡Qué animalada!
- 1:19¡Animalada Xabaz! ¡Qué animalá!
- 1:22¡Animalada Xabaz! ¡Qué animalada!
- 1:25¡Animalada Xabaz! ¡Qué animalá!
- 1:28¡Animalada Xabaz!
- 1:35Cuantayá que nun salíemos de casa, ¿eh?
- 1:37Vusté, padre, dende l'andancia que nun diba de romería, pamidea.
- 1:43¿Fizo la tortiella?
- 1:44De pataca.
- 1:45¿Y les croquetes? -De xamón.
- 1:48¿Y pa de postre?
- 1:50Casadielles y picatostes, ne.
- 1:52Entós, ¿ónde ye la romería?
- 1:54Dixéronme que garráremos l'autobús que va pa Cualloto,
- 1:58pero que nos baxáremos na sétima parada
- 2:01y entós, ehí, montar nel que va pa Sotrondio,
- 2:04pero posase anantes de llegar a Xixón
- 2:07y entós, d'ehí, enfilar a pata pa Uviéu,
- 2:10pero ensin llegar a Avilés nin muncho menos a la Cuenca.
- 2:13Madre, cómo tán les comunicaciones n'Asturies?
- 2:17Y en cuantes que viéremos unos edificios altonos,
- 2:21una barriá, una autopista y un centru salú, ehí ye.
- 2:25Son les ocho la mañana y quedamos a les doce.
- 2:27A ver si llegamos a tiempu, padre,
- 2:29que yá-y dixi de salir a les de la madrugada.
- 2:32Inviértenlo too nel AVE y en Madrí y los de la periferia, a fastidiase.
- 2:39Madre, llegó por fin.
- 2:41Tiramos.
- 2:44Matapioyos,
- 2:45furabollos,
- 2:47llargu, carrapiellín, y el pequeñu, el moñín.
- 2:54¿Cuídeslu muncho? -Cuando nun pueden mios pas
- 2:57porque Geli tien de trabayar. -¿Ónde trabaya?
- 3:00Güei, paezme que-y tocaba pinchar a una paisana.
- 3:03Pone-y una inyección a una muyer que nun pue salir de casa.
- 3:06Geli estudiara dalgo d'enfermería, ¿non?-Quésiyo lo qu'estudió.
- 3:10También ficiera dalgo d'informática.
- 3:13Pa llevar les cuentes. Y diseñu gráficu.
- 3:15Tamién ficiera dalgo de técnicu de mediu ambiente.
- 3:18Y soldadura. -Y mecánica.
- 3:20Y carpintería. -Y animación de campamentos.
- 3:23Y lletricidá. -Trabayó nuna panadería.
- 3:25Ehí sigue los sábados.
- 3:30Geli tien? unos nueve trabayos.
- 3:33Pero son toos minitrabayos.
- 3:35¿Daste cuenta de por qué sigo yo en casa de mama?
- 3:38Lo que ye la precariedá.
- 3:40Matapioyos, furabollos,
- 3:44llargu, carapiellín, y el pequeñu, el moñín.
- 3:50Oye, nun llores, ho. ¿Qué pasó? -Calla, monín.
- 3:53Calla. -¿Qué pasó?
- 3:55¡El mio neñu! ¿Qué facéis, ho?
- 3:57Ven p'acá, mio neñu, ven con mama.
- 4:00Home?
- 4:02¿Vinisti en bici, hermana?
- 4:04Sí, ho. Téngola ehí. Ye que saliómeun trabayín repartiendo comida.
- 4:09Pide la xente por apliaciones pa nun baxar mercar al barriu.
- 4:12Si ye que la xente yá nun sabe cocinar.
- 4:15Yá te digo.
- 4:16Eh, ¿y les empanaes eses que dibeis facer?
- 4:20Tan nel coche. Comprámosles nel supermercáu.
- 4:25Vaya par de xostrones, chaval.
- 4:28Ye que la xente yá nun quier cocinar.
- 4:30¿Qué quies, hermana? Les estrelles del rock tamos siempre perocupaos.
- 4:35Ai, vaya par?
- 4:40Dixéronme los Anti-pop que, en llegandoa Cualloto, hai que garrar una caleya.
- 4:45¿O un carreru?
- 4:48¿O una sienda?
- 4:51A ver?
- 4:56Una caleya ye un camín ensin asfaltarque va pel monte o pel pueblu.
- 5:02Un carreru ye lo mesmo qu'una caleya,pero mas estrenchu y peor.
- 5:08Y una sienda fáenla les persones, fórmase pol pasu la xente.
- 5:13Ye más pa humanos.
- 5:17Una bicicleta nun ye una persona,
- 5:20asina que cola bicicleta puedo dir pela caleya,
- 5:23puedo dir pel carreru, con cuidadín, y hasta puedo dir pela sienda.
- 5:27Tamién puedo dir per una pista y per una carretera,
- 5:31pero nunca per una autopista.
- 5:35Y esti mapa que me fixo'l Pola?
- 5:46A ver, tenía d'entrar en Cualloto?
- 5:50Ah, va ser esa caleya d'ehí.
- 6:06¡Qué tierra más guapa tenemos!
- 6:10¡L'ayalga del norte, sostenible y gayaspera!
- 6:18Ui?
- 6:20Más sostenible qu'esta bici.
- 6:23¡Cellero! -¡Cellero!
- 6:26¡Cellero!
- 6:27Home, ¿qué tal, animalada?
- 6:29Cellero y Fefa tovía nun vinieron.
- 6:32¿Qué ye eso?
- 6:33Unes empanaes que fiximos equí'l Gallu y yo.
- 6:37Qué mala pinta tienen.
- 6:39Dan noxo. Cheiran.
- 6:42¿Cheirar ye lo mesmo que feder?
- 6:45Máis ou menos.
- 6:46Pues fieden.
- 6:50Coime, adelantósenos l'animalada.
- 6:52¿Nun se van adelantar
- 6:54si hai barrios meyor comunicaos col monte que con otros barrios?
- 6:58Mirái, esta ye Geli, la mio hermana.
- 7:02Y Nel, el mio sobrinín.
- 7:05¡Hola, Geli!
- 7:07Hola, Geli.
- 7:09Munches gracies por convidanos a les fiestes del vuestru barriu.
- 7:14De nada, ho.
- 7:15¿Y Enol? ¿Nun vinía?
- 7:16Meca, sí. Diba venir en bici y di-y les indicaciones.
- 7:26¡Malos degorrios me lleven! ¡Perdíme!
- 7:30Si un día te pierdes, hai que tener calma.
- 7:34Panchu, Enolín, panchu.
- 7:37Déxate llevar.
- 7:42Sí, ho, yá sé qu'el Pola nun ye Américo Vespucio,
- 7:46pero’l so dibuxu dalguna lóxica tien de tener.
- 7:53¡Yá ta!
- 7:55Hai que siguir la metá'l dibuxu al dereches
- 7:59y la otra metá, al revés.
- 8:22Yo pienso que quiciabes?
- 8:24podíemos dir comiendo ensin esperar a Enol.
- 8:27Bueno, sí, eh? -Sí?
- 8:30La verdá ye que? -Ye tarde, ye tarde.
- 8:33É tarde, é tarde.
- 8:39Yá toi equí.
- 8:41Pensabeis que nun venía, ¿eh?
- 8:43¡Hola, Enol!
- 8:46Llegues la cuenta pa la xinta, nin.
- 8:50Tome, padre.
- 8:54Ehí va otru.
- 8:55¡Hala!
- 8:57Y esti?
- 8:59¿Será abondo, neña? -Non, home. Tengo más.
- 9:02Equí va?
- 9:04Tenga esti?
- 9:06L'últimu?
- 9:09Nun vayamos quedar con fame.
- 9:11Y les llambionaes.
- 9:15¡Hala!
- 9:18Tomái daqué, ho.
- 9:24¿Queréis del mio xuxi casero con trucha de ríu?
- 9:29¿O del mio chorizu de calabaza y tomate?
- 9:41A mi, la comida humano,
- 9:43si nun ta pasao o arremezao con dalgo podre
- 9:46o entafarrao de tierra,
- 9:48paezme que ta desaborío.
- 9:52Insípido por demás.
- 9:54¡Insulsa!
- 9:55Esperái, ho.
- 10:18Esto yá tien dalgo sabor.
- 10:21Home, ba, y bien picantino.
- 10:24Esto xa é úa xanta.
- 10:27¡Xabaz!
- 10:35Ai?
- 10:37Ai, qué dolor de tripa?
- 10:41Ay, a mía barriguía.
- 10:44Éntrame voltura?
- 10:47El miyor ha a ser beilar daqué.
- 10:49¿Hai orquesta?
- 10:51Sí, ho. Hai una perbona.
- 10:53Tiraron la casa pela ventana.
- 10:57Que ye tan bona que salió percara.
- 11:00Voi acompañar a la mio hermana hasta casa.
- 11:03Yo, a echar un gabitu recoyendo.
- 11:05Hasta otra, animalada. Encantada de conocevos.
- 11:10Ta llueu, ne. -Ta agora.
- 11:12Entós, de la qu'esperamos pola orquesta
- 11:15y como nun somos quién a movenos de la fartura,
- 11:18¿qué-y paez un cuentín, Cellero?
- 11:20Ta la cosa pa ello, sí.
- 11:22Nun sé si sabéis un que ye mui famosu.
- 11:25Ello yera una vez tres cabritinos?
- 11:29¡Bien!
- 11:30¡Bien!
- 11:32Yá glayaré yo cuando cuenten el de los tres gochinos, yá verás.
- 11:37Yeren hermanos.
- 11:39El cabritín pequeñu, que tenía unos cuernos?
- 11:43¡Curtios!
- 11:44Y una xiba?
- 11:45¡Pequeñina!
- 11:47El cabrito del medio,
- 11:49que tía us cornos?
- 11:51¡Nin curtios nin llargos!
- 11:54Y úa xoroba?
- 11:55¡Nin grande nin pequeña!
- 11:58Y el cabritu grandón, que tenía unos cuernos?
- 12:02¡Llargos y reviraos!
- 12:05Y una gorrumba?
- 12:06¡Descomanada!
- 12:09Asina ye.
- 12:10Taben nun prau,
- 12:12pero yá lu teníen estrozáu.
- 12:15Como si lu tuviere viendo, ensin gota herba.
- 12:18Nin siquiera un míseru tapín.
- 12:20Nada, deserto.
- 12:22Entós, decidieron pasar la ponte y dir pal otru llau del ríu,
- 12:27que tenía herba bien curioso.
- 12:30Pero, embaxo la ponte, vivía un diañu burllón
- 12:33que papaba a la xente.
- 12:36¿Sabes el conto?
- 12:39Cuntábamelo mio güela de pequeña.
- 12:42Ye un clásicu nel mundu de les cabresy nes escueles infantiles.
- 12:46¡De primera!
- 12:48Entós, vas ayudanos y, amás, vas facer de diañu.
- 12:53Elles queríen pasar la ponte igual,
- 12:55conque entamaron un plan.
- 12:57Ehí ta: lo meyor pa nun tener mieu ye facer un plan.
- 13:01El plan yera qu’enfilara la primera la hermana pequeña,
- 13:04colos cuernos?
- 13:06¡Curtios!
- 13:07Y la xiba?
- 13:08¡Pequeñina!
- 13:10Que, pa que nun-y diera mieu, diba cantando?
- 13:14Pachín, pachín, pachín. Pachín, pachín, pachín.
- 13:18Pachín, pachín, pachín. ¡Pachín, pachín, pachín!
- 13:23¡Eh! ¿Quién fae: "Pachín, pachín, pachín"?
- 13:27Soi eu: el chivo chivón pequeno.
- 13:31¡Ah! ¡Voi comete!
- 13:35Nun me papes, demo,
- 13:37porque soi tan pequeno qu’has a quedar con fame.
- 13:40Pro se aguardas por meu irmao el del medio,
- 13:43has a quedar ben fartuco.
- 13:47Val, pasa,
- 13:48pero nun-y digas a naide que te dexo pasar,
- 13:52porque nunca nun dexé pasar a naide.
- 13:55Yes el primeru que pasa.
- 13:58Nun yo hei a dicir a naide, non.
- 14:01¡Porque equí mando yo!
- 14:06Qué tiranu.
- 14:08Ye que los cuentos, ensin malos, nun tienen sentíu.
- 14:11Bueno, como la vida.
- 14:15Primer parte del plan.
- 14:16Agora tocaba la segunda parte.
- 14:19Enfiló'l cabritu del mediu,
- 14:21colos cuernos?
- 14:23¡Nin curtios nin llargos!
- 14:25Y la xiba?
- 14:26¡Nin grande nin pequeña!
- 14:29Cantando?
- 14:30Pachán, pachán, pachán. Pachán, pachán, pachán.
- 14:34Pachán, pachán.
- 14:36Pachán, pachán pachán?
- 14:38¡Eh!
- 14:40¿Quién fai: "Pachán, pachán, pachán"?
- 14:44Yo, el chivu chivón del mediu.
- 14:48¡Voi comete!
- 14:50Nun me papes, diañu,
- 14:52que si me papes, vas quedar fartucu pa un día.
- 14:57Pero, si esperes pol mio hermanu, el mayor,
- 15:01y conxéles-y la carne?
- 15:04¿Tienes arcón?
- 15:05¿Eh? ¿Cómo que si tengo arcón?
- 15:08¡Sí, ho!
- 15:10Un conxelador grandón
- 15:12onde pues meter hasta un xatu enteru.
- 15:18¿Nun voi tener arcón? Tol mundu tien arcón.
- 15:21¡Pero voi papate!
- 15:25Nun me comas,
- 15:26que si me dexes pasar y esperes pol mio hermanu'l mayor
- 15:31y tienes arcón?
- 15:33¡Y venga col arcón!
- 15:34? conxéles-y la carne y tienes comida pa tol iviernu.
- 15:40Tas liándome, eh. ¡Tas liándome!
- 15:43Tán enguedeyándome los hermanos.
- 15:45¡Non, home, non!
- 15:49Voi dexate pasar.
- 15:50Pero nun-y lo digas a naide,
- 15:53porque naide nun pasó hasta agora? -Non?
- 15:55? nun siendo'l to hermanu pequeñu.
- 15:58Nun-y lo digo a naide, non.
- 16:01Y que quede claro?
- 16:03¡qu'equí mando yo!
- 16:06Queda claro.
- 16:08¿Quién manda equí?
- 16:10Vusté.
- 16:12Pues pasa anantes que m'arrepienta.
- 16:16Pachán, pachán, pachán. Pachán, pachán, pachán.
- 16:19Pachán, pachán. Pachán, pachán, pachán.
- 16:22Pachán, pachán. Pachán, pachán, pachán.
- 16:26Segunda parte del plan, fecha.
- 16:28Agora quedaba la postrera, la tercer parte.
- 16:33Que yera aquel cabritu grande,
- 16:35colos cuernos?
- 16:36¡Grandes y reviraos!
- 16:38Y la gorrumba?
- 16:40¡Descomanada!
- 16:43Fáilo tú, Enol.
- 16:44¿Yo?
- 16:46¡Sí!
- 16:47Fae tu de chivu chivón grande. ¿Paezte?
- 16:50¡De restallu!
- 16:52Pachón, pachón, pachón. Pachón, pachón, pachón.
- 16:56Pachón, pachón, pachón. -¡Eh!
- 16:58¿Quién fai: "Pachón, pachón, pachón"?
- 17:02Yo, el chivu chivón grande.
- 17:05¡Voi comete!
- 17:08¡Sí, ho! Vas guapu, chaval.
- 17:11Entós, el chivu chivón grande echó carrera p'atrás?
- 17:15Afuracó'l tarrén cola pezuña?
- 17:18Bufó. -Truñó.
- 17:19Turrió.
- 17:20Entainó contra'l diañu, que dicía?
- 17:25¡Voi comete!
- 17:28¡Vas guapu, chaval!
- 17:29¡Voi papate!
- 17:33¡Vas guapu, chaval!
- 17:35¡Voi zampate!
- 17:38¡Vas guapu, chaval!
- 17:46El cabritu grande pegó-y un emburrión al diañu burllón?
- 17:50Una curniada.
- 17:52Úa arrometuada.
- 17:55Un trallazu?
- 17:56Que lu subió pelos aires.
- 17:58¡Un diañu burllón esnalando!
- 18:03Mialma, túvoye ben.
- 18:05El chivu chivón grande pasó la ponte,
- 18:08xuntóse colos hermanos
- 18:09y, en pocu tiempu, ficiéronse los tres unos cabritos?
- 18:14¡Enormes!
- 18:17Oiga, Cellero, ¿qué foi del diañu?
- 18:19A min interésame la trayectoria de los malos.
- 18:22¿Fíxonse bonu? ¿Aneció y siguió siendo malu?
- 18:25¿Reintegróse na sociedá?
- 18:27¿Eh?
- 18:29Un día, facemos la historia de los malos, Enol.
- 18:32Agora, ta paeciéndome qu'empieza la orquesta.
- 18:35¡Bien!
- 18:41Val Dios que llego a tiempu. -La meyor orquesta.
- 18:44Costó una talegada. -Un pastizal.
- 18:47Pa baillar y ximelgase un poco.
- 18:50Eu xa tou ben da barriga.
- 18:52Y yo tamién.
- 18:53Yá empieza, neños.
- 18:58Sí que son bonos, eh.
- 19:00Pero ¿esto cómo se bailla, ho?
- 19:03Son tan bonos que nun dexen espaciu pa los demás.
- 19:07¿Eh? Nun t'oigo nada.
- 19:10¿Que quies llimonada?
- 19:12Dólenme os ouguidos.
- 19:15¿Que quies calamares fritíos?
- 19:17Non, que tien unos choricinos.
- 19:20Ai, toi mareándome, fíu?
- 19:24¿Qué dixo? ¿“Tou mexándome”?
- 19:26Non. ¿Nun dixo "toi acabándome"?
- 19:30¿Eh?
- 19:32Taba bono la tortiella, eh.
- 19:34¿Que marches pa Ribeseya?
- 19:36¿Qué diz vusté d'una portiella?
- 19:39Ah, que tires pela alcantariella.
- 19:42Y tamién taben bones les croquetes.
- 19:45¿Que marcháis en bicicletes?
- 19:47¿Qué diz vusté d'unes setes?
- 19:49Alcuérdate de les chuletes.
- 19:52Pero ¿qué música ye esto, Pola?
- 19:53Nun hai guitarres.
- 19:55Nun toquen. Fáenlo too los ordenadores.
- 19:58¡Tan acabando colos músicos de verdá!-¡Los artesanales!
- 20:15Entoncias, ¿qué foi el que vos pasóu?
- 20:19Tábamos tan tranquilos despóis de xantar
- 20:22y empezóu a terra a trembar.
- 20:26Había unos guerreros invisibles que se metíen nos oyíos
- 20:29y mancábennos coles espaes.
- 20:32Dixéronnos que se llamen “decibelios”.
- 20:35Salíen d'unes plataformes descomanaes
- 20:38tal que si foren portaviones.
- 20:40De los altavoces.
- 20:42¡Tuvestes núa festa de barrio!
- 20:45Cuase quedamos sin voz
- 20:47y dolíanos a garganta.
- 20:50Los decibelios ganáronnos la batalla.
- 20:53Porque yeren munchos.
- 20:56Muita xente inda nun é consciente de qu’escuitar música mui alta
- 21:01pode fer mal á nosa salú.
- 21:03¿Que nun son coscientes?
- 21:04Al revés.
- 21:06Pónense berrar y ximelgase como oveyes.
- 21:09Mais ben como cabras, Telva.
- 21:12Yo diría que como auténticos borregos.
- 21:15Nas festas populares del tempo dos nosos bólos
- 21:18namáis qu’había úa banda de música tocando
- 21:21sin axuda d’esos portavióis qu’estrombeiran
- 21:24y lanzan decibelios de máis.
- 21:27Ensin altofalantes.
- 21:29¿Altofalantes?
- 21:31É igual qu'altavoz.
- 21:33Alta-voz.
- 21:35Alto-falante.
- 21:38Qué guapo suena.
- 21:39Como los "altoparlantes" de América.
- 21:43Por eso as festas d’agora xa nun son como as d’antias.
- 21:46Pode dicirse que xa nun son tradicionales.
- 21:50A tecnoloxía ganóu a batalla contra a salú.
- 21:54¡Otra vez!
- 21:55Globalizóse'l ruíu.
- 21:58Pro tamién gracias á tecnoloxía
- 22:01podo botar un oyo ás vosas oreyas.
- 22:04¿Botar un oyo?
- 22:06En galego-asturiano,
- 22:08botar é a mesma cousa que “echar”.
- 22:10¡Anda, como n’América!
- 22:13Y un oyo é un güeyu.
- 22:16Gracias, Sabela.
- 22:18¿Qué era el que vos pasaba?
- 22:20A min duélenme los oyíos.
- 22:23Eu touche mui alteriada.
- 22:26Yo nun durmí nada.
- 22:29¿Y nun notáis tovía un pitíu dientro la cabeza?
- 22:32¿Un rumbido?
- 22:34Eu pensaba qu'era de dalgún aparato dos que ten Catuxa aquí.
- 22:38Y yo.
- 22:39Nun é d'un aparato, é úa consecuencia del esceso de ruido.
- 22:44¿Oyemos coses que nun esisten?
- 22:46Ei ta. ¿Y cómo tedes a barriga?
- 22:50Danme voltures depués de comer.
- 22:54El ruido fai alteriar a dixestión.
- 22:56Ah, y a min pásame que m’asusto con cualquera cousa.
- 23:01Yo toi más como una cabra que de costume.
- 23:05É verdá.
- 23:06El esceso de ruido fai alteriar a presión sanguínea.
- 23:10eso quer dicir qu'el sangre vai máis apretao polas venas.
- 23:14Y por eso tu, Telva, saltas y berras máis que de costume.
- 23:19Y tu asústaste máis, Sabela.
- 23:21A min, delles veces danme mareos.
- 23:24Eso é el vértigo, a sensación de que vas cayer.
- 23:28¿Y pode ser polos ouguidos tamén?
- 23:31Pode.
- 23:33¿Y pasarános, ne?
- 23:35Pasarávos. Nun tedes lesióis.
- 23:37Pro tedes que ter muito cuidao,
- 23:40porque os efectos del ruido son acumulativos.
- 23:43Fainnos mal anque nun nos precatemos.
- 23:46Entoncias, ¿todos esos mozos qu’andan con cascos
- 23:51y auriculares con música mui alta han a acabar xordos?
- 23:55Si, Sabela, é triste, pro así é.
- 23:58El esceso de ruido é a mayor causa da xordeira.
- 24:04A ver si los conceyos reaccionen d'una vez
- 24:08pa defender la salú pública.
- 24:10Y as propias orquestas,
- 24:12que elos mesmos han a acabar xordos.
- 24:15Y los feriantes y los coches de choque
- 24:17y los de les cames elástiques.
- 24:19Qu’ademáis poin música que nun é infantil,
- 24:22é d’adultos.
- 24:24Toi perfartu d'adultismu.
- 24:28Hola, Catuxa. ¡Anda, l'animalada!
- 24:32Ai, ye que vinimos ver a Catuxa
- 24:34porque tamos un poco malos
- 24:36por cuenta'l ruíu de les fiestes d'ayeri.
- 24:39¿Conocédesvos?
- 24:40Sí, ho. De cuando trabayaba d'ayudante de llaboratoriu.
- 24:45¡Cuántos trabayos tuviesti, ne!
- 24:47Y lougo, ¿qué pasou, Geli?
- 24:49Ai, sí. Venía entrugate si'l baturiciu qu'había na fiesta
- 24:53podía afectar a los nenos de mantes,
- 24:55porque'l míu ta alteriáu dende ayeri.
- 24:59Ye que nos punxeron la orquesta al llau de casa, fía.
- 25:02Pode, Geli, pode.
- 25:05Elos nótanlo hasta condo están aínda nel ventre materno.
- 25:11El ruíu pode afectar al sou crecimiento,
- 25:15al apredizaxe, al lenguaxe?
- 25:17pode fer que nun distingan os sonidos dúa lingua.
- 25:24Entón, ¿tuveches xuntos na festa del barrio?
- 25:28Sí, pero val Dios que nun aguantaron muncho
- 25:31a cuenta'l ruíu y colaron toos pal llocal de los Anti-pop.
- 25:37Conque é aquí unde ensayades...
- 25:41Qué corripa mas guapa.
- 25:44Home, vamos acuriosándola como podemos.
- 25:46¡Ta xabaz!
- 25:49Eh, quítanos el fondu de llocal cutre.
- 25:56Esto yá ye otra cosa, nin. -¡Xabaz!
- 26:00Tán acabando coles fiestes populares
- 26:03con esta osesión pol volume alto.
- 26:05Amás, estes orquestes de güei nun canten, glayen.
- 26:08Y nun baillen, espatuxen.
- 26:10Trátennos como marionetes.
- 26:15¡Agora llevantái los brazos!
- 26:19¡Agora agacháivos!
- 26:22¡Agora, palantre!
- 26:25¡Agora p'atrás!
- 26:28Agora, dicíi: "¡Oe!"
- 26:31¡Oe!
- 26:33¡Eo!
- 26:35¡Eo!
- 26:37¡Iu!
- 26:38¡Iu!
- 26:40¡Ia!
- 26:42¡Ia!
- 26:44¡Eh!
- 26:45¡Eh!
- 26:46¡Oh!
- 26:48¡Oh!
- 26:49¡Uh! -¡Uh!
- 26:50¡Uh, uh, uh! -¡Uh, uh, uh!
- 26:57Y tol mundu a obedecer. -Eso.
- 27:00¿Y reparastes en qu'as mozas que cantaban na orquesta
- 27:03iban con minifalda y pasando frío,
- 27:07pro os mozos iban ben tapadíos?
- 27:11Lo de siempre, Sabela,
- 27:12pero disfrazao de modernidá y llucecines.
- 27:16Y los artistes de verdá, inoraos pol gran públicu.
- 27:22Nun me gusta'l reguetón,
- 27:24a mi gústame'l rock.
- 27:29Gústenme los acordes,
- 27:31les melodíes nes canciones.
- 27:37Yo soi más de punk
- 27:39y tú de heavy metal.
- 27:44Quiero dexalo claro,
- 27:47alto y ensin duldalo:
- 27:49nun me gusta'l reguetón.
- 28:21A mi préstame cantar
- 28:24y nun eso de perrear.
- 28:29Nun quiero sentir lletres
- 28:31que cosifiquen a les muyeres.
- 28:37Yo soi más de punk
- 28:40y tú de heavy metal.
- 28:44Quiero dexalo claro,
- 28:47alto y ensin duldalo:
- 28:49nun me gusta'l reguetón.
- 29:22Nun me gusta'l reguetón.
- 29:25Nun me gusta'l reguetón.
- 29:28Nun me gusta'l reguetón.
Los Antipop invitan a la Animalada, Cellero y Fefa a las fiestas de su barrio, donde conocen a H.eli, hermana de Pola y Nel, su sobrino; después del cuento, empieza la orquesta, pero el volumen está tan alto que tienen que escapar al local de ensayo de los Antipop.
Los Antipop conviden a l’Animalada, a Cellero y a Fefa a les fiestes del so barriu, onde conocen a H.eli, hermana de Pola y a Nel, el so sobrín; dempués del cuentu, entama l'orquesta, pero el volume ta tan alto que tienen que fuxir al llocal d'ensayu de los Antipop.
Apto para
A
Subtítulos
Pulse el botón
Sí
para visualizarlos
Mi calificación
Comparte
© 2025 Radiotelevisión del Principado de Asturias | Todos los derechos reservados
Publicidad | Aviso Legal | Política de privacidad | Política de cookies | Consentimiento de cookies | RSS | Sobre RTPA | Entidad adherida a AUTOCONTROL