Webcams
Buscar
Reproductor de Vídeo is loading.
Ver transcripción Momento actual
Subir al vídeo
- 0:02(SINTONÍA DEL PROGRAMA)
- 0:28"Nel programa de güei...".
- 0:30-Que seyáis mui felices y faigáisme güela pronto.
- 0:35(GRITOS) -¡GUAPOS!
- 0:40(GRITOS) -¡Viva los novios!
- 0:44Hola, xente.
- 0:45Munches gracies por acompañanos una vegada más.
- 0:48Sei mui bienveníos a EL GRAN DÍA.
- 0:51Güei acercámonos al mio pueblu, Mieres, pa conocer a Pelayo y María.
- 0:55Dos mozos, dos rapacinos, xóvenes y mui enamoraos.
- 0:59¡Hai muncho amor ente ellos! Vais a poder descubrilo
- 1:02a lo llargo d'esti programa.
- 1:04Ella ye una mujer del so tiempu. Curiosa, bien vestía, llibertina,
- 1:09divina, superficial. Él ye trabayador, estudiosu y amás,
- 1:13canta como los ánxeles. Tien un grupu de rock&roll.
- 1:17La vida sonri a estos dos rapacinos. Pero puestos nel intred'una boda
- 1:21les preocupaciones acumúlense.
- 1:24Echamos una carrerina, tiramos hasta Mieres pa conocer
- 1:27a los novios.
- 1:33(MARÍA) Lo que más me gusta de Pelayo ye que ye mui comediante,
- 1:38mui bromista. Siempre te ta picando. A veces dígo-y: "Yes un cabrón".
- 1:42Porque te les fai con maldá. Pero depués te fai gracia.
- 1:47Vien con esa cara de simpáticu y dices tu: "Yes un cabrón
- 1:51pero faesme gracia". (SONRI)
- 1:53Y llueu, eso. Ye una persona mui bona, nun discute nada.
- 1:57Tas discutiendo con él y a él éntra-y por equí y sále-y por equí.
- 2:01Y pasa de too. Pero llueu ye mui bona persona, cariñosu.
- 2:06Lo que más me gusta de María ye qu'ella
- 2:08mira por tol mundu más que por sigo mesma.
- 2:11Ella siempre ta atenta de que tol mundu tea a gustu,
- 2:14que tenga lo que necesita. Colos sos primos, familia,
- 2:17conmigo sobre tou. Y bono, eso ye lo que más me gusta d'ella.
- 2:21Conocímonos en Carnaval. Diba disfrazada de 'Novia a la fuga'.
- 2:24Y él diba de nenu pequeñu.
- 2:26Yá nos conocíamos porque yera amigu del mio primu de tola vida.
- 2:32Y xuntámonos les pandilles, la mía y la d'él nel mesmu bar,
- 2:36encontrámonos a tomar algo.
- 2:38Y dizme él: "Venga, que t'invito a un cacharru".
- 2:41Díxi-y: "¡Qué vas invitame! Invítote yo que trabayo.
- 2:45Tu tas estudiando". Y él: "Non, non, que pago yo".
- 2:48Y yo: "Pago yo".
- 2:50Ente 'pago yo, pagues tu' de repente metióme'l morru p'allá y... (RI)
- 2:56Y asina foi. (RI)
- 2:59Y hasta güei.
- 3:00María y yo conocémonos dende que tenemos cinco años, más o menos.
- 3:04Porque somos... O sía, el so primu ye mui amigu mio.
- 3:08Pero en realidá l'amor surdió en 2010 en Carnaval.
- 3:12Yo diba disfrazáu de neñu pequeñu col mio 'hula hoop' y tal.
- 3:15Y ella diba con... disfrazada de 'Novia a la fuga'.
- 3:18Y polo que se ve nun-y salió mui bien el disfraz esi día.
- 3:21Porque la cacé bastante fácil. Llueu cuando-y dixi a la mio güela
- 3:24-nunca se me va a olvidar-,
- 3:26"Ná, que toi saliendo con Pelayo, l'amigu de Pablo". Yo: "Van matame".
- 3:30Diz ella: "Ai, esi neñu ye mui bonu. Pórtate bien con él".
- 3:34"Bono, como si fuera yo un demoniu. La to nieta soi yo, non él".
- 3:38"Pero esi nenu ye mui bon chaval. Trátalu y pórtate bien con él".
- 3:42Yo: "Manda narices. Yes mio güela. En vez de dicilo al revés,
- 3:46que se porte bien conmigo". Non.
- 3:49¿La pidida? ¡Uf! Meyor nun contalo. Yo yá llevaba insistiéndo-y
- 3:53porque díbamos a les bodes de amigos y yo: "Mira qué guapu.
- 3:56Quiero casame, vida".
- 3:58"¿Cuándo nos casamos?". Y él: "Nel 2025".
- 4:03Y yo: "Anda vida, venga". Fui metiéndolu un pocu ahí y tal.
- 4:07Y de repente, una nueche salimos, llegamos a les 8:00 de fiesta,
- 4:11un poco allegres y arrodillóse encima la cama... (RI)
- 4:16Coyó un aniellu mio del xoyeru. Y asina foi.
- 4:20Pensé yo: "Esti al día siguiente nun se va a alcordar".
- 4:23Y non, alcordóse y siguió p'alantre. Sí. (RI)
- 4:27Dempués de varios meses preparando algo especial,
- 4:30porque agora tien que ser algo especial pa que mole,
- 4:33pues tenía pensáu pidí-ylo nun conciertu porque tengo
- 4:37un grupu de rock, quería facé-y una pidida delantre de muncha xente.
- 4:40Pero al final un día dempués de fiesta y varies copes de más
- 4:44a les 8:00 calentéme y pidí-ylo con un aniellu que teníamos per ehí.
- 4:49Y al final, tantu y nada. (RI)
- 4:51¿Momentos románticos con esti? Nengún.
- 4:54Bono, una vez intentó ponese un pocu románticu que me preparó
- 4:58un bañu con veles y unes copes de champán pero...
- 5:02Y llueu diome un masaxe. Ye l'únicu que recuerdo.
- 5:07Pelayo de románticu tien...
- 5:090,5 % (RI) Nada.
- 5:12Ella siempre que puede y ve'l mio móvil a mano coye y...
- 5:16A mirar ahí a ver con quién falo, qué falo,
- 5:19si hai alguna cosa interesante pa ver.
- 5:22Ye verdá. Pero llueu nun me diz nada.
- 5:24Cuando tien la oportunidá yá me la suelta.
- 5:27"Falasti con nun sé quién... que nun sé qué día". Sí, sí.
- 5:31Lo d'él ye d'él y cuesta soltalo.
- 5:35Tacañu y egoísta. (RI)
- 5:37Ye mui tacañu y mui egoísta. (RI)
- 5:40Nun sé qué dicite. Si ye una cosa bona o una cosa mala.
- 5:43Ye'l mayor defectu que tien. Tengo qu'andar yo: "Anda, Pelayo,
- 5:47venga déxa-y esto". Y cuesta, sí.
- 5:50Una cosa que nun soporto d'ella ye que yo soi más agarráu qu'ella.
- 5:55Ella siempre quier dar de too. A mi nun me presta dexar tanto les coses.
- 5:59Sabes que ye verdá. Yes un egoísta.
- 6:02Ella: "Vamos a dexar nun sé qué". Y al final,
- 6:04quédase ella sin coses pa dalo a los demás.
- 6:07Bono, pero eso ye básicamente polo que la quiero. Asina que bien.
- 6:11Esto nun sé yo si lo dexara...
- 6:14"¿El so platu preferíu?".
- 6:16Ye la paella y la pizza.
- 6:20"¿De qué color tien los güeyos?".
- 6:22María tien los güeyos marrones averdosaos.
- 6:25"¿Cómo se llama la so meyor amiga?".
- 6:27Llámase... Rosa.
- 6:31"¿Cuál ye la so película prefería?".
- 6:33Ye 'Dirty dancing'.
- 6:36"¿Enriba o embaxo?".
- 6:38Ella prefier debaxo. (RIN)
- 6:41Pa les hores que me pilla él soi mui vaga pa poneme...
- 6:45Nun toi mui activa a eses hores. (RI)
- 6:47"¿Qué ye lo que nunca te perdonaría?".
- 6:51Unos cuernos. (RI)
- 6:54"¿El so cantante preferíu?".
- 6:56Bustamante.
- 6:59"¿El viaxe de la so vida?".
- 7:01La nuestra lluna de miel futura: Nueva York y Riviera Maya.
- 7:06"¿Cuál ye'l sitiu más raru onde ficierais l'amor?".
- 7:11Entrerríos. (RI)
- 7:13Foi nuna piscina.
- 7:15Nunes vacaciones. Nun voi dicir ónde.
- 7:19"¿Tanga o braga?".
- 7:21Ella prefier tanga siempre.
- 7:24"¿Cómo vais llamar al vuestru primer fíu o fía?".
- 7:28Si tenemos una neña, se llamará Enma o Vega.
- 7:32Y si tenemos un guah.e... Nun lo sé, Sandokán.(RI)
- 7:36"¿La so peor zuna?".
- 7:38Nun colocar nada.
- 7:42"¿El so color preferíu?".
- 7:44Ye'l blanco.
- 7:46"¿Qué númberu de zapatos gasta?".
- 7:48Usa un 46.
- 7:50Perdón, 36. (RI)
- 7:53El mio númberu ye'l 37 y non el 36 nin el 46.
- 8:01(APLAUSOS Y VÍTORES)
- 8:07(APLAUSOS Y VÍTORES)
- 8:16Mira, Bernardo, esos son los pisos que llamen 'El Vaticano'.
- 8:20Ahí debaxo ta l'Economatu d'Hunosa. Al fondu, el barriu San Pedro
- 8:24que foi onde yo empecé a xugar al baloncestu a les órdenes de Lito
- 8:28colos mios amigos Boni y Milio. Toi mui contentu.
- 8:31Güei toi como un guah.e con zapatos nuevos porque venimos a grabar
- 8:35al mio pueblu, Mieres, onde crecí. Y onde me cuesta muncho venir
- 8:38por motivos de trabayu porque cuesta volver a to casa cuando tas fuera.
- 8:42Vamos conocer a la güela de la novia, Ludi,
- 8:46qu'actualmente ye la que lleva esta especie de matriarcáu
- 8:49que son esta familia con güela, madre, fía, nieta,
- 8:54espíritu santu y la de mi madre.
- 8:56¿Qué pasa? Qu'encima tienen una reloxería que ye una cosa
- 8:59qu'a mi dende pequeñu me gustaba Nun hubo na vida más regalu
- 9:02que me prestare que'l regalu de la Comunión que fuere un reló.
- 9:07Mira, esi ye'l polideportivu d'Oñón. Esi ye'l barriu d'Oñón
- 9:11qu'enantes yera'l barriu de los xitanos y agora
- 9:14pues qué sé yo quién vive ahí. Esta zona ye la del colexu
- 9:17Santiago Apostol. Y fíxate una cosa. Aquí en Mieres siempre fai más calor
- 9:21que faciendo l'amor nuna tienda campaña.
- 9:23L'Economatu d'Hunosa. Y aquí ta la reloxería Miguel.
- 9:27Ahí ta, 'Reloxería-xoyería Miguel'. Creo qu'esta paisana
- 9:31va contanos munches cosiquines.
- 9:36("Trains and boats and planes", BURT BACHARACH)
- 9:44Ludivina, nun te rías qu'esto va mui en serio. Cásasete la guah.a.
- 9:48-Exactu.
- 9:49Lo primero, ¿tas d'alcuerdu? Home, totalmente.
- 9:52O sía, apuestes siempre pol amor. Exactu.
- 9:56Pero tu yes una muyer divorciada. Sí. Eso qué tien que ver.
- 9:59Caséme enamorada, oi. Y la to ma tamién ta divorciada.
- 10:02¿Cuántos años tien la to ma? Tien 90.
- 10:05¿Ónde la tienes? EL Valdevimbre, tien una casina allí.
- 10:08Ella allí ta mui a gustu. Porque allí diz que respira meyor,
- 10:12que ye como que renaz.
- 10:14Ye verdá que l'aire cazurru ye bono pa nosotros.
- 10:17Bono. Lleva munchos años braniando allí en Castilla.
- 10:20Cuando nosotros yéramos pequeñes yá nos llevaba pa allí
- 10:24los dos meses de branu.
- 10:25Ludi, contigo y cola to madre divorciaes ¿nun te da por avisar
- 10:29a la to nieta pa que nun se case? Lo qu'otres persones hayan vivido
- 10:32nun tien por qué tocate a ti. Cuando te cases siempre pienses
- 10:35que ye pa tola vida. ¿Por qué vas a pensar que se va a separar?
- 10:38El que seyamos una saga de separaes, porque la so ma tamién lo ta.
- 10:42¡¿La so ma tamién?! Pero esto ye un sin Dios.
- 10:44Vivís en pecáu toos. Non.
- 10:47Ye verdá, tienes razón. Nosotres casámonos mui formalinos.
- 10:51¿Pola ilesia toos? La mio ma y yo, sí. Nuria, non.
- 10:55¿La nena va a casase...? Polo civil.
- 10:58Mui bien. Bono, por onde-y dea pola gana, claro.
- 11:01Exactu. Nun son practicantes a lo meyor.
- 11:04Non, pa nada.
- 11:07Bono, la mio nieta. Él nun lo sé, nun-y pregunté. Eso nun m'incumbe.
- 11:12Nun sé si él ye pacticante. Que yo sepa, non.
- 11:15¿Entiendes? Porque una cosa ye la novia, que yo sé la so vida.
- 11:19Pero la del noviu sé algo, non tou.
- 11:22¿Gústate? ¿El noviu? Muncho. Ye mui ricu.
- 11:25¿Ricu de perres? Non, de saláu. (RI)
- 11:28Ye mui saláu. Oi, si la quies casar bien
- 11:31tas nel to derechu. Casala bien ye casala con alguien
- 11:34que la aprecie y que la quiera. Eso ye lo meyor que pues casar.
- 11:38Les perres ye algo indiferente. Puedes ser mui feliz sin perres.
- 11:42La mio muyer siempre dixo qu'en Mieres había moces guapes.
- 11:45Y yo siempre-y digo que como en Mieres somos proletarios
- 11:48los proletarios casámonos por amor. Exactamente. Ahí lo dixisti tou.
- 11:52Y esti nenu, pues la pinta ye de que ye mui bono. Y aquí como sabes
- 11:56entra muncha xente y tol mundu: "Que ye de mui bona familia".
- 12:00Y eso... -vamos dicir la pallabra-, eso sí que me presta muncho.
- 12:03Y aquí tamién somos bona familia. ¿Yá lu tienes aquí trabayando?
- 12:06De vez en cuando si llega... Qu'eche hores, eh.
- 12:09Bono, alguna ayudina. Porque como esto ye un matriarcáu,
- 12:12aquí trabayamos sólo muyeres... A los homes que pasaron pequí
- 12:15echásteislos de vuestru llau. A toos. (RI)
- 12:18Marcharon toos por pies. Marcharon ellos, eh.
- 12:21Aquí nun echamos a naide. Marcharon pola so propia voluntá.
- 12:24Nun echamos a naide. (RI A CARCAXAES)
- 12:26Y hai constancia. Nun s'echó a naide.
- 12:30Pero eso, que como somos matriarcáu de vez en cuando necesites la mano
- 12:34d'un paisanín y si vien esti neñu pues, hala.
- 12:37Como me llancé a les indiscreciones y tenemos una confianza,
- 12:40quiero que me digas algo que nun te... que digas:
- 12:42"Ye que cuando fai esto...". ¿Quién, el nenu?
- 12:45Sí. Bono, la verdá...
- 12:47Nun te preocupes que nun ta aquí. La verdá ye qu'hasta agora
- 12:50nun fizo nada que nun me gustara. Venga, va. Algo, muyer.
- 12:52Nun te lo puedo dicir, fíu. Tampoco ye que yo conviva muncho con él.
- 12:56Ye un nenu mui saláu y qu'amás conocémoslu dende mui pequeñu
- 12:59porque yera compañeru del mio nietu. ¿Pidióte la mano?
- 13:02Home, pidiría-yla a la madre. A mi nun tien nada que pidime, fíu.
- 13:06Bono, muyer, antes díbase al cabeza de familia que nesti casu yes tu.
- 13:09Ta claro que si aquí alguien corta'l bacaláu yes tu.
- 13:12Ui, yá corta más ella casi que yo.
- 13:15La María, claro. ¡La María!
- 13:18La María en Mieres tien muncha importancia.
- 13:21¡Home! (RI) Cómo te lo diría yo.
- 13:24Ye la mio nieta, ho.
- 13:27(MÚSICA ALLEGRE)
- 13:32("Move on up", CURTIS MAYFIELD)
- 13:45¿Qué tal?
- 13:48-Mui bien. ¿Y tu? Nerviosa yá.
- 13:52¡Que te casas! Sí.(RIN)
- 13:55Tuvi revolviendo tola casa pa buscar una cosa
- 13:59que tenía muncha gana d'encontrar.
- 14:01Porque tuvisti yá muncha mala idea dende bien pequeñina
- 14:05y a ver si te gusta. (SONRI)
- 14:08Y a ver si t'alcuerdes porque a lo meyor nun t'alcuerdes.
- 14:11Cola memoria de pez que tengo. ¿Sabes lo que ye esto?
- 14:15(RI) Sí.
- 14:17¿Alcuérdeste lo que ficisti esi añu?
- 14:20¡Qué bonu! Nun m'alcuerdo de lo que dibuxé pero sé lo que ye.
- 14:24¿Foi cuando fici'l cambiazu? (RIN)
- 14:29¿Cuál foi'l del cambiazu? El tuyu ye'l de Marco.
- 14:33Y el d'él ye'l tuyu. ¡Ah! Munches gracies, tía.
- 14:37(EMOCIONAES)
- 14:43¿Pidirás-y perdón a Marco por robar el dibuxu?
- 14:46¿Crees qu'hará falta? Si nun s'entera naide, aquí queda.
- 14:50Bha, probe. Bono, anda.
- 14:52Marco, perdón por robate'l dibuxu con 4 años. Nun me lo tomes a mal.
- 14:58Foi una trastada.
- 15:01Yera qu'había quedáu guapu, eh. Muncho meyor que'l tuyu.
- 15:05Conozo a María... ¡Uf! De tola vida. Nun m'alcuerdo la primer vez
- 15:11pero ye qu'en Parvulitos yá díbamos xuntes. Siempre.
- 15:18¿Anécdotes? Tengo munchísimes. Pero que se puedan cuntar na tele... (RI)
- 15:24Cuando diz algo que nun debería dicir y pégas-y el típicu toque cola pierna
- 15:29de: "María, cállate",
- 15:31y non sólo nun calla sinón que te diz: "Eh, si ye verdá.
- 15:35¿Tu nun lo pienses, nun lo dices?". Y quedas tu con cara de:
- 15:40Voi a poneme collorá hasta aquí y a ver si cambia alguien de tema.
- 15:44D'eses llía una por fin de selmana.
- 15:47-Conozo a María dende pequeña. Díbamos xuntes al colexu.
- 15:52Pero al final el destín llevóme a ser parte de la so familia.
- 15:57Y dende fai 6 años ye como una hermana pa mi.
- 16:02Bono, cuñada.
- 16:04El so primu ye'l mio noviu dende va 6 años.
- 16:09Alcuérdome cuando saqué'l carné de conducir
- 16:13dábame mieu coyer el coche. Ella foi cola primera que lo coyí.
- 16:17Fuimos pela Universidá a conducir y casi estampo'l coche allí.
- 16:23-Cuando María me dixo que se casaba tampoco me sorpredió muncho
- 16:28porque ye qu'a Pelayo y a ella nun hai más que velos pa saber
- 16:31que yera lo que tocaba. Pero allegréme muncho porque ella
- 16:34siempre tuvo la ilusión de casase de xoven.
- 16:37Amás, ye la primer amiga que se casa y la mio meyor amiga.
- 16:41Y foi...¡Uf! Debo tar yo más nerviosa qu'ella.
- 16:44Ella sabe de sobra sólo con mirar pa mi lo que pienso yo.
- 16:49Pero dicir nun puedo porque... Yá lloraré na boda. Aquí, non.
- 16:53(RI) ¡Qué non!
- 16:57-Cuando me dixo que se casaba yo yá me golía algo.
- 17:00Fuéronse a vivir xuntos fai 1 añu. Y eso pa mi ye'l top.
- 17:05Si te vas a comprar casa col to noviu, qué más da que te cases o non.
- 17:09Allegróme un montón. Pelayo y ella son
- 17:12un exemplu de pareya. Toi mui arguyosa d'ellos. Sí.
- 17:16-María lleva enamorada de Channing Tatum dende pequeña, ¿non?
- 17:21-Dende que con 12 años vimos una película...
- 17:24-Yo vi una con ella y lloró. -Lloró pero non de pena nin d'amor.
- 17:30Lloró porque yera mui guapu. Y ella veíalu y lloraba. (RIN)
- 17:34-Entós, ocurriósenos la idea de pa la despidida de soltera,
- 17:38a Channing non podíamos traelu, nun había contactu con él.
- 17:42Asina que compramos un cartón a tamaño real d'él.
- 17:46Plantámos-ylo en Galicia. (RI) -Y salió tola nueche con nosotres.
- 17:51-Aguantó, aguantó. -Aguantó la fiesta, de percheru.
- 17:55Aguantó tola xente que lu coyó. -Channing bebió incluso, eh.
- 17:59-Bebió, comió tarta. -Llueu, llamábenlu de too.
- 18:05Pasólo mui bien Channing. Casi como nosotres. Sí. (RIN)
- 18:12(CANTEN N'INGLÉS)
- 18:17-Conozo a Pelayo dende... ¡Buf!
- 18:20Bono, íntimamente dende va 3 años.
- 18:24Yá lu conocía d'antes. Queríenme fichar pa un grupu
- 18:27que tenía él con Lito, el primu de María,
- 18:30y, bono, faláramos dos o trés veces. Llueu yá cuando'l mio grupu
- 18:34quedóse sin un baxista, un grupu que se llama Swap,
- 18:37punxímonos en contactu con él. Vino a ensayar un par de veces
- 18:41y dende entós, ente ensayos y tomar algo antes d'un conciertu,
- 18:45fizímonos amigos y hasta agora.
- 18:48(CANTEN N'INGLÉS)
- 18:50(PABLO) -Alcuérdome d'una vez que fui a la so casa a comer
- 18:54-cuando la despidida de soltera de María-,
- 18:57quedamos solos y diximos: "Sacamos la parrilla". Yera una d'eses de gas.
- 19:02Y nun teníamos un mecheru. Pela dexó de fumar va tiempu,
- 19:06nun había cerilles. Punxímonos a buscar por tola casa.
- 19:10Yo metí mano en neceseres de María y me salió la mano maquillada.
- 19:14Al final: "Nun hai mecheros". A la media hora llegó un mensaxe
- 19:18de María: "Pela, ¿alcuérdeste de que la parrilla tien l'autoencendido?".
- 19:22Y recuerdo que lo gracioso foi que me dixo Pela:
- 19:26"Lo que me fastidia ye que se-y ocurrió a ella". (RI)
- 19:29-Soi la madrina de la boda del mio hermanu.
- 19:32¿Por qué soi la madrina? Primero, porque me lo cedió la mio madre.
- 19:36Díxome: "Vas ser tu meyor la madrina yá que María lleva a los sos primos
- 19:40de padrinos por edá y demás, pues va quedar meyor".
- 19:47Al final dixi: "Voi ser la madrina".
- 19:49-Ye porque a la mio fía gustába-y dir de madrina pal hermanu.
- 19:54Y díxome: "Mami, quiero dir". "Pues vete, fía".
- 19:58Yo voi sentame igual na mesa y taré al llau del mio fíu.
- 20:02-Sí, home. Lo que pasa que, bono, cedístime'l puestu, claro.
- 20:06-Nel fondo sí porque ye un marrón. (RIN)
- 20:09Seguro que na ilesia diba llorar. Y d'esta manera toi p'atrás.
- 20:13-Vas llorar igual. -Casi seguro. Pero bono. (RIN)
- 20:16-El mio hermanu y yo tenemos bona rellación a pesar de que nos llevamos
- 20:19bastantes años. Llevámonos 7 años. Anque nun lo aparentemos, eh. (RI)
- 20:24Y la verdá que como siempre foi'l pequeñu,
- 20:29un poco más mimáu -pela mio parte, non polos mios padres-.
- 20:33Ellos tratáronnos igual. Pero nesti casu, sí.
- 20:37-¿Del nenu, de Pelayo? Sí, voi contar.
- 20:40Había un cupón encima de la mesa.
- 20:43Y había un mecheru y prendió-y fueu al cupón.
- 20:47Metiólu debaxo del sofá. Y digo yo: "Madre, aquí güel a fumu.
- 20:51¿qué fixisti?". "Nada mamá".
- 20:54"¿Cómo que nun fixisti nada?. ¿Y eso que güel?".
- 20:58Púnxose tou nerviosu y diz: "Ye que prendí un cupón y metílu ahí debaxo".
- 21:02Y metiólo debaxo del sofá. Pa prender fueu y armar una allí.
- 21:06Pero bono, nada. Yera pa tirar, pero él violu allí y prendiólu. (RI)
- 21:12Nun se-y ocurrió otra cosa más que prendelu. Y como vio que llegaba yo:
- 21:16¡Pum! Fizo asina y metiólu debaxo del sofá.
- 21:21¿Pelayo? La so hermana yera'l líder.
- 21:25Claro, son 7 años de diferencia. Yera pequeñu y empezaba él...
- 21:28Al meyor encontrábalu pol pasiellu: "¿Ónde vas?". "Al cole".
- 21:33Cuando empezó la escuela yá casi sabía lleer y escribir con ella.
- 21:37Y llévense 7 años. Coyía la maleta asina, marchaba a l'habitación.
- 21:43Y cuando salía: "Yá fui al cole". Escribía, cantaba, ella lu grababa.
- 21:49Siempre-y gustó cantar dende nenu. Cantaba y grabábalu, escuchábalu.
- 21:53De morite. Ellos tol día taben... Muncha xente dicíame:
- 21:57"Nun van a xugar. 7 años ye muncha la diferencia".
- 22:01Xugaron munchísimo. Ella usábalo como un muñecu tamién, eh.
- 22:05-Vestíalu de neña. Ponía-y flores, vistíos.
- 22:09-Él salía disfrazáu de l'habitación con un flor. Y llegaba: "Mamá, mira".
- 22:16Siempre. Siempre-y disfrazó. Y tengo asina de fotos. (RIN)
- 22:24-Paezme que ta saliendo tou bastante bien. La xente ta contenta.
- 22:29(GRITOS D'ALLEGRÍA)
- 22:35El día que te cases lleves pa casa dos joyes.
- 22:38Una elíxesla tu o elíxete ella o él a ti. Da igual.
- 22:42Por amor, por dineru o polo que vos dea pola gana.
- 22:45La otra elexisla ente los dos. Y ye por dineru.
- 22:48Xeneralmente por muncho dineru. Toi falando de los aniellos.
- 22:53Teniendo en cuenta que vas tener que gastar unes perres curioses
- 22:57si quies facer un bodorriu pa recordar, lo meyor ye
- 23:00que te pongas en manos de profesionales. Esta selmana
- 23:02Jorge Sánchez Vallina va falanos de les últimes tendencies
- 23:05de xoyería.
- 23:08(FALA CASTELLÁN) -Sanchéz Vallina Joyeros llevamos
- 23:11más de 40 años yá dedicándonos al mundu de la xoyería.
- 23:14Somos una empresa familiar que tamos yá na tercer xeneración.
- 23:19Siempre nos gustó ofrecer al públicu productu de calidá,
- 23:23xoyes bien feches.
- 23:25Non les que puedes encontrar normalmente en cualquier sitiu.
- 23:29Y una selección de marques de reloxería qu'abarcan
- 23:32tolos precios -dende lo más básico hasta lo más alto-,
- 23:36y tou tipu de relóes pa tolos públicos:
- 23:40pa la muyer, pal home.
- 23:42Normalmente ye'l noviu quien s'acerca a la xoyería a pidinos un regalu
- 23:47pa la so novia pa pidí-y la mano o pa lo que quiera.
- 23:52Normalmente suel ser una sortiya, pero tamién hai xente
- 23:57que quier unos pendientes, una pulsera. Hai varies opciones.
- 24:01Suel ser xoyería relativamente clásica,
- 24:04que-y dure tola vida,
- 24:06que tenga un recuerdu d'esi momentu tan especial que van a vivir.
- 24:10Y suel llevar damiantes.
- 24:12Puede ser de varies talles, de varies formes.
- 24:16Tenemos una selección de xoyes yá feches pa que puedan elixir,
- 24:21puedan ver, elixir lo que quieran. Y tamién podemos facer
- 24:25una xoya a la so midida. El cliente que quiera una xoya
- 24:28mui determinada, incluso que pueda tener una foto o lo que seya,
- 24:33nosotros realizámosla y facémos-y un presupuestu.
- 24:36Eliximos con él les piedres y asina puede tener una xoya única
- 24:41pa regalá-yla a la so parexa nel día de la pidida.
- 24:45(JORGE) -Normalmente les muyeres pa regalar al caballeru suelen
- 24:49regalar un reló. Tamién hai xente que puede regalar unos gemelos.
- 24:53L'home ye más senciellu nesti sentíu.
- 24:56Y los reóles tamién pueden ser de tou tipu.
- 24:59Suel ser un reló clásicu, anque equí dependiendo del gustu del home
- 25:03puedes metete yá nun abanicu más grande de relóes más deportivos,
- 25:07más de... Bono, más d'otru tipu.
- 25:09En precios tamién podemos movenos no que se quiera.
- 25:12Dende un reló de 300, 400, 500 euros,
- 25:15se puede unu gastar lo que quiera.
- 25:18Les aliances ye un tema mui tradicional.
- 25:22Tenemos un montón de modelos d'aliances,
- 25:25pero'l 80% d'aliances qu'elixe la xente son les de siempre.
- 25:29L'alianza de media caña yá seya n'oru blanco, oru amariellu,
- 25:32d'un anchu o d'otru,
- 25:34pero casi siempre tol mundu quier tirar a algo que nun seya
- 25:39mui llamativu, que pueda ponelo fácil, que-y dure tola vida.
- 25:45Lo que suel gastar la xente oscila ente los 1.000 y 3.000 euros.
- 25:53("Gimme All Your Lovin", ZZ TOP)
- 26:05Bono, la prueba d'amor de güei ye especialmente prestosa.
- 26:09Sobre tou si sois heterosexuales y paisanos.
- 26:12Vamos a disfrutar con esta especie de remedu del videuclip
- 26:16de los años 80 de ZZ Top "Gimme All Your Lovin".
- 26:23("Gimme All Your Lovin", ZZ TOP)
- 26:39("Gimme All Your Lovin", ZZ TOP)
- 27:10Meca. Entós ¿cómo vos dio por llimpiame'l coche?
- 27:13¿Visti, amor? Y llenámoste'l depósitu de gasolina.
- 27:16Será de diésel. Non. De gasolina.
- 27:19¿De gasolina?
- 27:20("Gasolina", DADDY YANKEE)
- 27:23¿A quién se-y ocurre? Echóme gasolina al coche y ye diésel.
- 27:26Tuvi que llevalu al taller.
- 27:28Gasolina, diésel, ¿qué más dará? ¡Encima que-y lleno'l despósitu!
- 27:31350 euros costóme purgar el coche.
- 27:34(RISES)
- 27:41-Dime.
- 27:45¿Yá táis equí?
- 27:51Val. Val. Val. Val. Venga. Mui bien.
- 27:55Sí.
- 27:56Sí. Yá llegaron. Llegaron güei.
- 28:00Non. Non. Los bonos. Los bonos.
- 28:05Val. Val. Nun te preocupes.
- 28:10¡Ah, problema tuyu!
- 28:12(RI) Yo nun quiero saber nada. Non. Non.
- 28:16Non. Non.
- 28:17Val. Mui bien. Hala, ta llueu.
- 28:21-¿Que yá tán equí? -Yá tán equí.
- 28:23-¿Vamos a da-yos estos de verdá? -Esos.
- 28:26-Nun sé, porque María tien mui mal humor.
- 28:29-Si se cabrea, nun ye problema mio. ¡Que s'arregle él que foi'l
- 28:32de la idea! (RI)
- 28:33Tengo gana yá de velos. A ver cómo son.
- 28:36Sólo los vi por catálogu.
- 28:40-Ah, mira, yá vienen. -Yá tán ehí.
- 28:42Trai. Yá los cueyo yo.
- 28:45Yá llegaron.
- 28:48-Ehí les tienes. Toma.
- 28:51¿Qué ye esto?
- 28:52(MÚSICA DE TENSIÓN)
- 28:54Home, estes nun son les míes. Son les que pidisti.
- 28:56Que non, yeren diferentes. Qu'estos nun son los mios aniellos.
- 28:59¡Pelayo, qu'estos nun son los nuestros! ¡Di algo!
- 29:02¡Ai, que lloro!
- 29:04¡Que nun me da tiempu a que lleguen les de verdá!
- 29:07¡Que yo con esta mierda nun me voi casar! ¡Non! ¡Nun me caso!
- 29:11¡Que me dexes! Y tu ¿qué? ¿Nun dices ná?
- 29:14Ye que... Buf.
- 29:16-Pasástite. -Yá.
- 29:17-Y los bonos ¿ónde tán? -Meca.
- 29:20Nun sé.
- 29:24¡Oye, ho!
- 29:26¡Pera un poco, ho!
- 29:28¡Pera un poco! Oye, ho. ¡Cagüen diez, pera un poco!
- 29:31Que yera broma, ho. ¿Cómo una broma?
- 29:33Mira los de verdá.
- 29:35¡Desgraciáu! Esto foi cosa tuya, ¿non?
- 29:38Bono... (RI) Esto ye otra cosa. (RI)
- 29:41Son guapos. Son guapos.
- 29:43¿Gústente? Son los que pidisti. Sí. Estos, sí.
- 29:46("Just The Way You Are", BRUNO MARS)
- 29:53¿Qué ye lo más importante nuna boda?
- 29:57Val. La novia ye perimportante. Pero ¿el vistíu?
- 30:01¿Nun ye tan importante'l vistíu de la novia como la novia?
- 30:05¡O más! Por supuestu que sí rediós. ¿De qué tamos falando?
- 30:08¡Esto ye un despropósitu! Vamos a enseñavos el vistíu.
- 30:12Amás tengo que dicivos que nesti programa permitieron
- 30:14a un servidor acceder a la prueba vestuariu.
- 30:17El secretu meyor guardáu. Igual ye porque la dueña
- 30:20del negociu, Arancha, ye amiga d'un servidor.
- 30:23Y el maríu tamién, Castañón, que ye entrenador del Lugones rediós,
- 30:27pero que nun hai nada ente nosotros. Aquí lo qu'importa ye saber
- 30:30si ella diz SÍ al so vistíu.
- 30:36-Paez una sirenina.
- 30:39¿Gústavos o nun vos gusta? -Bah.
- 30:43-Non. Esti nun ye'l to estilu. -Non. Non. Muncho tul.
- 30:51-Home, esi márcate les formes, que les tienes guapes pero...
- 30:56¿Tráennos café? -Non. ¡Pa qué!
- 30:59En 'Pretty Woman' traíen-yos café. (RI)
- 31:05-¡Ai!
- 31:08Guapa.
- 31:10Ye mui guapu. -A mi nun me gusta.
- 31:13-Ella tien que dir guapa porque la que ye guapa...
- 31:16Esto nun me gusta. Paecen les cortines de la mio güela.
- 31:22-¡Qué guapa, princesa! ¡Igual qu'una muñeca!
- 31:25-Esti sí, vida. Emocionóse.
- 31:28Emocionástite.
- 31:31-¿Qué sentí cuando la vi? Muncha emoción porque la quiero muncho.
- 31:36Criela dende pequeña. Tenía 2 años.
- 31:39Entós, quiérola como si fuera mía.
- 31:41(LLORA) Nun puedo.
- 31:45Véola guapísima. Como una princesa.
- 31:48Cuando me dixo que se casaba, diome muncha allegría porque veo
- 31:52una pareya mui guapa. Mui guapa. Los dos. Mui guapos.
- 31:57-Esa yes tu, María. Nun llores, Mari Carmen.
- 32:00Sí, llora. Que da muncha audiencia. (RIN)
- 32:04Esti ye mui guapu. Y Mari Carmen, que te conoz dende que yeras neña,
- 32:08suscríbelo coles sos llágrimes.
- 32:11-Entós, ¿ye esti'l to vistíu de novia?
- 32:13Sí.
- 32:15(APLAUSOS)
- 32:20Paez qu'acertemos. (RIN)
- 32:23-Llevo 16 años nel negociu de les novies,
- 32:27pero cola tienda mía va a facer dos.
- 32:30Agora mesmu la verdá que la tendencia de lo que se lleva ye un pocu tou
- 32:35porque tanto se lleven los encaxes, volumes, corte sirena.
- 32:43Un pocu l'estilu de la novia. Hai novies que tienen
- 32:46les caderes anches y prefieren el vistíu que-yos disimule
- 32:50el corte del so cuerpu y non dir marcando y veanse más anches.
- 32:55Hai otra xente que tien tatuaxes y lleven mangues
- 32:58porque los quieren tapar.
- 33:00La tendencia ye lo que la novia quiera. Llévase tou.
- 33:04Agora mesmu l'estilu que más ta entrando son los cortes
- 33:08mui llisos. La tendencia de los vistíos, súper senciellos.
- 33:11Simplemente con un cinturón de pedrería, un llazu...
- 33:14Coses mui sencielles.
- 33:16Los precios qu'abarcamos na mio tienda, por exemplu,
- 33:20creo qu'un preciu de lo más eleváu nun llega a los 2.000 E.
- 33:24Dende 700, 900 E tienes un montón de vistíos pa poder escoyer.
- 33:30(ARÁNZAZU) -La elección de María... Escoyó súper bien porque ye
- 33:34un vistíu mui senciellu, yera lo que quería, disimúla-y la cadera,
- 33:37que tenía un obsesión súper grande cola cadera, que nun-y marcase.
- 33:41Y los encaxes nun los soporta. Entós, ye tan senciello
- 33:45que ye la elección perfecta pa que tea como una princesa
- 33:48nel día de la so boda.
- 33:52Güei en día si te cases puedes facer la ceremonia y el banquete
- 33:56too nel mesmu sitiu: 2x1. Tamién nos padrinos nuna boda
- 34:00como esta puedes tener un 2x1. Nesti casu, los primos de la novia.
- 34:05Nuna boda tan moderna como esta, el noviu en vez d'entrar
- 34:08con vals de Strauss va a entrar con música de AC/DC.
- 34:12Lo que nun cambia con respecto a otres bodes ye que la novia llega
- 34:16la última, que ye la más guapa y sobre tou, que la xente llora.
- 34:21Muncha xente llorando. Toos a la vez.
- 34:23El noviu, la novia, la madre, la hermana, el compañeru
- 34:26d'habitación. Muncha emoción. Nun sé si les nuestres cámares
- 34:30algamaron a capturar tantu llantu. Dafechu, empañósenos l'oxetivu
- 34:34porque se lloró a catarates. ¡Qué digo a catarates! ¡A mares!
- 34:37Miráilo.
- 34:38("Rather Be", CLEAN BANDIT Feat. JESS GLYNNE)
- 34:48-Esta boda tien dos padrinos porque en principiu Meri díxome
- 34:52que si podía ser yo'l padrín, pero al final somos dos hermanos.
- 34:57Somos los dos únicos primos que tien. Decidió que fuésemos los dos.
- 35:01-Amás pareciónos interesante que fuésemos los dos padrinos
- 35:06porque yera peculiar y
- 35:08daba interés a la boda. Un toque mui peculiar
- 35:12que fuésemos los dos padrinos. Somos hermanos.
- 35:15Vamos los dos iguales y... quedaba mui guapo.
- 35:18-Diferente. -Diferente, sí.
- 35:20-Cuando Pelayo empezó a salir cola mio prima,
- 35:23yo taba encantáu porque Mery taba mui preocupada siempre
- 35:28que si me diba parecer mal,
- 35:31pero yo dixi: "¿Qué meyor puedo querer pa la mio prima
- 35:35que'l mio meyor amigu y pal mio meyor amigu la mio prima?".
- 35:38Voi tenelos siempre na familia y con nosotros.
- 35:41-Cuando nos dixo que se casaba foi una emoción mui grande
- 35:45porque la verdá qu'una hermana casi se case asina
- 35:50sólo pasa una vez na vida o dos, cuando me pase con él. (RIN)
- 35:54Y la verdá que foi una emoción mui grande y dixéronnos cómo foi y...
- 35:59-Ella lloró muncho. Y yo dixí-y que me taba faciendo vieyo. (RIN)
- 36:06("Rather Be", CLEAN BANDIT Feat. JESS GLYNNE)
- 36:20-Toi súper emocionada. Mui nerviosa.
- 36:23(RI) ¡Nun voi poder falar!
- 36:26(EMOCIONADA) Tengo que dexar tou esto equí pa llueu sonrir y que tou seya
- 36:30estupendo y maraviyosu como ella quier.
- 36:32María,
- 36:34quiero dicite que vos queráis muncho, que lu cuidés, que te cuide él a ti.
- 36:38(LLORA)
- 36:43Y que seyáis mui felices y me faigáis güela pronto. ¿Qué quieres?
- 36:48(RISES)
- 36:49Ye lo qu'ella quier, eh. Ser madre pronto.
- 36:52Aaah. (RI)
- 36:54¿Sabes qué dicen? Que nos van a sacar en 'Zapeando'. (RI)
- 36:59("November Rain", GUNS N' ROSES)
- 37:13Hai frases que definen un pueblu. Asina vienme a la memoria
- 37:17'que n'Asturies trabayamos cuatro', '¿qué hai de lo mío?',
- 37:21'tuya, mía, cabecina y gol', 'puestinos y perres',
- 37:24y referío a les bodes y concretamente al banquete,
- 37:27la frase: 'La novia, mui guapa; la comida, algo escasa'.
- 37:30Esto nuna boda de Mieres ye impensable porque como nun deas
- 37:33bien de comer pónente una denuncia. Asina que n'esta, aparte
- 37:36del copiosu menú, tamién punxeron un FoodTrack, pa los que sois
- 37:41de Ciencies, un camionón de comida y un fotomatón pa que ficieras
- 37:45una foto ya inmortalizares el momentu. ¡Ahí ye ná!
- 37:49(Mir-E Nowruz", AHMAD ALI REZAYI)
- 38:23"Dixímosvos que nesta boda había llárimes a catarata y muncha emoción
- 38:27pero tamién munches sonrises, que la risa tamién ye emoción.
- 38:30Los mozos yeren xóvenes y había un montón d'invitaos guapos, xóvenes
- 38:35y bien vestíos. Destacamos a una amiga de la novia
- 38:38que, como dicía Amparanoia, se lo fai sola.
- 38:41Lo d'ella y lo del mozu".
- 38:45-Equí tamos. Na boda de la so prima.
- 38:48Él ye'l mio noviu. Yo soi la so pareya.
- 38:51-Yo soi'l primu de la novia y... -Y el padrín.
- 38:55Y yo soi so amiga dende pequeña. Somos familia dende casi tola vida.
- 39:01Y... ¿de qué falamos? Vamos a contavos de...
- 39:04del estilismu, del look que llevamos.
- 39:07Yo llevo un vistíu diseñao y fecho por mi y por una amiga,
- 39:11pola mio amiga Aidé. Fízomelo ella. Escoyimos ente les dos
- 39:15la tela y el estilu. Y fízomelo ella entero.
- 39:19Y él, yo fui como la so estilista, so 'personal shopper'.
- 39:23Y yá veis cómo va, como un pincel. (RI)
- 39:27-Yá veis que voi elegante, como hai que dir pa ser el padrín de la boda.
- 39:31Ella ayudóme a elixir el 'outfit'.
- 39:37Y sumosé'l mio hermanu que ye... -Tamién va igual qu'él.
- 39:42-Ye un poco más descuidáu pa la ropa.
- 39:44Y sumóse al mio traxe, y vamos los dos iguales, que yera
- 39:49lo guapo de la boda. -Sí. Sí.
- 39:53Y aquí nos tenéis. Nun sé qué vos parecerá pero... A mi m'encanta. (RI)
- 39:57"Y non, nun vos engañemos. El mozu entró al altu la lleva.
- 40:03Con AC/DC. Eici/Dici pa los que saben la llingua de Shakespeare.
- 40:08Una boda que vos voi a dicir qu'anque ellos son australianos,
- 40:12AC/DC por supuestu, paecía mui de película americana,
- 40:15de teleserie pola tarde o de película d'eses que se titulen
- 40:19'Pasión que te cagas'.
- 40:21("It's A Long Way To The Top", AC/DC)
- 40:39"Y como lo prometío ye deuda, seya con Eici/Dici o con Rijanna,
- 40:45llárimes, munches llárimes.
- 40:48Tonelaes de llárimes.
- 40:50Ahí les tenéis. Disfrutáilo. Que sé yo que disfrutáis viendo
- 40:54a la xente llorar. Nun vos perdáis cómo diz 'Sí' esti elementu".
- 40:58("Diamonds", RIHANNA)
- 41:12(XUEZ) -¿Consiente en contraer matrimonoiu con María
- 41:15y efectivamente lo contrái nesti actu?
- 41:17Sí concierto. "¡¿Sí concierto?!".
- 41:19(RISES)
- 41:20"¡¿Dixisti sí concierto?!".
- 41:23(XUEZ) -María, ¿consiente en contraer matrimonoiu con Pelayo y
- 41:26efectivamentelo contrái nesti actu? Sí.
- 41:28"Pola forma na qu'ella dixo 'Sí' y la cara que punxo pa mi
- 41:32qu'esta nueche vas dormir nel sofá, chaval".
- 41:35("Diamonds", RIHANNA)
- 41:40"O igual non".
- 41:44(SONÍU AMBIENTE)
- 41:48(APLAUSOS)
- 41:54"Igual te da que te cases nuna ilesia que nunca carpa.
- 41:58Al final lo que tienes que facer ye firmar.
- 42:01El matrimoniu nun dexa de ser una gran hipeteca,
- 42:05algo pa tola vida. Pero yá seya nel cielu o na tierra,
- 42:09¡has de firmar!".
- 42:11("Diamonds", RIHANNA)
- 42:17-Yá que tengo la oportunidá, deseyavos dende esti momentu
- 42:20que seyáis mui felices. Yá sabéis, tenéis qu'aguantar
- 42:24tanto al unu como al otru. Yá sabéis, eh. Venga,
- 42:27que lo tamos pasando mui bien toos.
- 42:30Y que duréis muncho casaos. Tola vida a poder ser.
- 42:33¡Tomái nota! ¡Tomái nota que yá sabéis lo qu'hai! (RI)
- 42:39-El mio vistíu tien un poco d'historia
- 42:42porque ye de la novia, que voi mui arguyosa con él.
- 42:46Home, quéda-y más guapu a ella, pero bono.
- 42:48Lluciríalu más un poco más morena pero nun me pongo nin... pa Dios.
- 42:53Me diz el mio fíu: "Nun tas ná morena". Yá fíu, pero qué voi facer.
- 42:57Y la mio madre diz: "Nun cuentes que ye de la novia".
- 43:00Pues yá lo conté. (RI)
- 43:02Los zapatos fueron un chollazu, 15 euros, porque lo importante
- 43:07yera da-y un bon regalu a la novia. Entós, tenía que venir 'low cost'.
- 43:11El bolsu, de la tienda. Los pendientes y l'aniellu,
- 43:15de la tienda tamién. De Maximo Betro, vamos dicilo too.
- 43:18El tocáu venía col vistíu. Ye de la novia. Venía too xunto.
- 43:22Y tol mundo me dixo que taba mui guapa, que si yo yera otra novia.
- 43:26Non. Nun soi otra novia. Llevo'l vistíu de la novia.
- 43:29(REPRODUCCIÓN MARCHA ADELANTRE)
- 43:32-¡Cortamos?
- 43:34(REPRODUCCIÓN MARCHA ADELANTRE)
- 43:37-Vamos a cortar. Cambio.
- 43:41"Toi seguru que más d'ún se ta preguntando tovía qué ye
- 43:44aquello que dixo Alberto del FoodTrack.
- 43:47Pues un camionón de la comida que completó perfeutamente
- 43:50l'aperitivu propuestu pol restaurante
- 43:53nel que se cellebra'l banquete. Pueden ustedes pensar que tantu
- 43:56marabayu podía escapar al control de la organización y de los novios,
- 43:59pero nun se preocupen porque nesta boda pal control
- 44:03contrataron al meyor".
- 44:05"The Name's Bond, James Bond", NICHOLAS DODD)
- 44:14"Y hai muncho alimentu ricu en colesterol y munches bebides
- 44:18espirituoses nuna cellebración. Asin que ye importante
- 44:22tener el control. Sobre tou si llueu nun quies tener fíos.
- 44:27Y si'l control ye importante, nuna boda nun vos digo lo importante
- 44:32que ye'l descontrol".
- 44:35("Soul Makossa", YOLANDA BE COOL&DCUP)
- 44:42"Y ye qu'una cosa ye que te guste'l rock&roll y otra ye que sepas
- 44:46cómo tar a l'altura en cada momentu. Esta xente son mui rítmicos.
- 44:50Esta xente gústa-yos too. Pasalo bien ye una obligación.
- 44:55Y yo pregúntome ¿qué opina la güelita de too esto?".
- 44:59-Paezme que ta saliendo too bastante bien.
- 45:02Creo que la xente ta contenta. La ceremonia foi mui emocionante.
- 45:05Lo único que mio madre ta la probe un poco....
- 45:08cansada porque ye mayor. Y la hora de comer a ella yá-y pasó va tiempu.
- 45:13Pero ye lo que tienen estos eventos, que tenemos que dir
- 45:16cola marcha que llevan. Nun queda otru remediu.
- 45:19Pero creo que ta tol mundu encantáu.
- 45:22Foi súper emocionante ver entrar a los trés nietos
- 45:26xuntos, foi terrible. Terrible.
- 45:29Yo que dicía que nun diba a llorar. Al final pingué'l moquín un poco.
- 45:33(RI)
- 45:35¿Que la mio fía contó que lleva'l vistíu prestáu? ¡Voi matala!
- 45:38Ye que contólo a too Dios. ¡Qué-y importa a naide!
- 45:42Lleva un vistíu y va mui guapa. ¡Nun hai más!
- 45:45Paezse a la madre que la parió porque yo soi asina. (RI)
- 45:49"Dicía Shakespeare que tamos fechos de la mesma materia de la que
- 45:52se faen lo sueños.
- 45:54Y pa eso sirven les bodes: pa facer realidá los suaños.
- 45:59Porque igual cuando más guapos tamos ye cuando sentimos dientro de nós
- 46:04l'amor. Y más aún...
- 46:06cuando lo demostramos públicamente".
- 46:10(APLAUSOS)
- 46:15"Y que naide mos malinterprete que nun se trata de facer l'amor
- 46:19en público, sinón de demostrar l'amor en público.
- 46:23El públicu nuna boda escuéyeslo tu:
- 46:26los tos amigos, la xente que más quies".
- 46:30(MÚSICA ROMÁNTICA)
- 46:37"Oh, olvidábasenos.
- 46:40¿Qué tal la bisagüela? ¿Yá s'encuentra meyor?".
- 46:43-Tuvieron toos mui guapos.
- 46:46Pero les muyeres arrastrando los vestíos, nun me gusta
- 46:49una gota.
- 46:51Que ye mui guapa, mui bona y mui trabayadora.
- 46:55Y que viva la vida bien. Y que lo que-y paeza mal
- 46:59que lo aparte pa un llau,
- 47:02y qu'ella siga p'alantre. Ella, a lo d'ella.
- 47:05Y otra cosa ¿qué te voi dicir?
- 47:08Que la madre que la parió tamién taba mui guapa.
- 47:11Y la tía, tamién.
- 47:13Y la güela de verdá tamién taba guapa. Taben toos mui guapos.
- 47:17Habiendo perres hai de tou.
- 47:20Nun toi mal de la cabeza anque tenga 90 años. (RI)
- 47:27Los de Mieres somos muncho de veraniar en Xixón
- 47:30y de dir de boda. Préstanos abondu vistinos curiosos,
- 47:33apuramos hasta la última copa, hasta la última nota
- 47:36de la orquesta, gastamos perres ensin sentíu y disfrutamos
- 47:40de la vida cada día al máximu, nun vaya a ser que nun haya un mañana.
- 47:43Siguiendo la tradición familiar, Pelayo y María casáronse mozos
- 47:47porque tienen claro que se quieren, porque quieren ser padres
- 47:50lo antes posible y sobre tou, porque-yos da pola gana.
- 47:53Pa ellos ábrese un nuevu capítulu fermosu na vida que yá ye
- 47:57fermosa de por sí. Nosotros yá tenemos amoríos nuevos
- 48:00gratinando nel fornu. Ahí va una tapina.
- 48:03Ta llueu.
- 48:08"Nel próximu programa...".
- 48:12(MUYER) -¡Viva los novios! (TOOS) -¡Viva!
- 48:18-Cristina, ¿quieres ser la mio muyer? -Sí.
- 48:21'Subtítulos, TIPOGRÁFICA CB'
Pelayo y María se casan. Alberto Rodríguez se cuela en el evento y nos mostrará los preparativos, conoceremos a sus amigos y estaremos con los familiares. Desde Mieres del Camín, partiremos hacia Llanera para poder llegar a la ceremonia a ritmo de Rock y acabar en una celebración cargada
Apto para
SC
Subtítulos
Pulse el botón
Sí
para visualizarlos
Mi calificación
Comparte
Más de El gran día
El gran día 2016
8 programas© 2025 Radiotelevisión del Principado de Asturias | Todos los derechos reservados
Publicidad | Aviso Legal | Política de privacidad | Política de cookies | Consentimiento de cookies | RSS | Sobre RTPA | Entidad adherida a AUTOCONTROL