Webcams
Buscar
Ver transcripción Momento actual
Esti domingu en ‘Sonadía’, el viaje selmanal que nos tienen preparáu Mar y Alicia Álvarez, va llevanos a conocer delles formaciones con propuestes musicales mui estremaes. Atopámonos con ‘L-R’, una pareya que rellee la tradición musical asturiana pa volver interpretala dende l’actualidá. Precursores y fonte d’inspiración pa munchos artistes que vienen detrás, Leticia Baselgas y Rubén Bada presenten en ‘Sonadía’ el so últimu trabayu: Versión Orixinal Subtitulada.
‘Tigre y diamante’ ye una banda mala de clasificar. Con un estilu eclécticu, vien de publicar el so tercer álbum d’estudiu: Actitud ganadora. Disposición cola qu’encaren esta etapa nueva na que medra’l númberu de músicos na banda.
Les residencies musicales en Llaboral Centru d’Arte son un bon puntu d’arranque pa formaciones qu’empiecen, ye’l casu de ‘Lofácil’. Un dúu dark pop electrónicu integráu por María Barrena y Carlos de Arquer qu’investiguen los espacios y la so integración na música.
‘Cristina Gestido’, música polifacética onde les haya, transitó per munchos estilos: clásicu, pop/rock, bandes sonores, electrónica… tamién vien con propuestes nueves que, amás, incluyen el baille.
Variedá d’estilos, variedá na forma d’entender la música y variedá d’espacios musicales ye la propuesta de ‘Sonadía’ cada selmana.
para visualizarlos
© 2025 Radiotelevisión del Principado de Asturias | Todos los derechos reservados
Publicidad | Aviso Legal | Política de privacidad | Política de cookies | Consentimiento de cookies | RSS | Sobre RTPA | Entidad adherida a AUTOCONTROL