Webcams
Buscar
Ver transcripción Momento actual
Esti domingu en 'Sonadía', el viaxe musical que nos tienen preparáu Mar y Alicia Álvarez va llevanos a transitar pel pop, la canción asturiana, les bandes sonores y el postpunk.
Alberto & García siguen cola xira del so discu ‘La Herida’, depués de tocar en Llatinoamérica; agora esta xira de conciertos atraviesa España de cabu a rabu. Van falanos d’eso, de los sos comienzos y de les sos preferencies musicales. Amás van interpretar dos temes del so trabayu: ‘Los armarios’ y ‘La herida’, que da títulu al discu.
La canción asturiana llega a Sonadía con Antón Menchaca, que lloñe de les etiquetes esplíquennos d’ónde surde la so visión y interpretación tan particular de la tonada. El so últimu trabayu ye ‘Los díes contaos’. Nel programa van interpretar un tema orixinal d’ellos, ‘La invernada’, y una versión del grupu indie Le Mans.
La siguiente posa tien que ver col mundu de la composición y les bandes sonores. Quedemos con Mario Viñuela, que va falanos del so últimu trabayu, ‘Sinestesia’, y qué rellación tien esti nome cola so manera d’interpretar notes y colores. Ente los temes que va tocar nel programa tán ‘Life itself’, que forma parte de la banda sonora d’una serie d’HBO, y ‘Lo efímero’.
Rematamos el percorríu selmanal col grupu Viuda, formación compuesta por cuatro moces que definen la so música como una mezcla ente copla, canción asturiana y ritmos punk. Los cantares que van interpretar son el so hit ‘Satánica y de Carabanchel’ y la versión de Las Grecas ‘Te estoy amando locamente’.
para visualizarlos
© 2025 Radiotelevisión del Principado de Asturias | Todos los derechos reservados
Publicidad | Aviso Legal | Política de privacidad | Política de cookies | Consentimiento de cookies | RSS | Sobre RTPA | Entidad adherida a AUTOCONTROL