Webcams
Buscar
Ver transcripción Momento actual
Esti domingu en Sonadía, el viaxe musical que nos tienen preparáu Mar y Alicia Álvarez va llevanos a transitar pel country y el rockabilly, la canción d’autor y el jazz, el pop sinfónicu con toques rockeros y la canción d’autor pervertida porque nun sigue nengún canon musical establecíu.
El rockabilly de Bobby Gonzáles trío axunta la esencia country más pura con toques punk y soníos más actuales que faen de la so propuesta una cosa orixinal nel panorama musical asturianu. Vamos falar con Bobby de la so trayectoria musical tan llarga, de los soníos que foi incorporando a les formaciones onde tuvo y vamos sentir dalgunes de les canciones que van formar parte del so trabayu nuevu y el primeru de Bobby Gonzáles trío.
El jazz y les tecles del pianu nun tienen nengún misteriu pa Jacobo de Miguel que, nesta ocasión, vien a Sonadía pa enseñanos el so apueste musical nuevu, más personal y que xira alredor de la canción d’autor. Acompañáu de Puri Penín a la guitarra y coros, va esplicanos por qué esta vertiente musical nueva como De Miguel y va enseñanos dalgunes de les sos composiciones más de recién que van formar parte del discu que ta a puntu de sacar.
Más de 20 años nos escenarios avalen la trayectoria y el bon facer d’un grupu como Losone. Una banda qu’ufierta un soníu personal, enlleno de paisaxes sonoros y testos cargaos de llírica. A puntu de sacar el so cuartu discu, un trabayu onde les sos composiciones ponen la mirada fuera, no que pasa alredor.
Rematamos el percorríu musical con Sastre, que nos presenta’l so últimu trabayu Familia de Sastre: el segundu na so carrera y el primeru cola banda d’agora. Les canciones del discu nun avecen a guardar una estructura formal d’estrofa y estribillu… van más al so aire. D’ehí que lo denomine canción d’autor pervertida. Vamos comprobalo colos temes qu’interpreta nel programa.
para visualizarlos
© 2025 Radiotelevisión del Principado de Asturias | Todos los derechos reservados
Publicidad | Aviso Legal | Política de privacidad | Política de cookies | Consentimiento de cookies | RSS | Sobre RTPA | Entidad adherida a AUTOCONTROL