Webcams
Buscar
Ver transcripción Momento actual
Mar y Alicia van guianos nesti percorríu sonoru onde vamos conocer a profesionales de la música n’Asturies que s’atopen en momentos distintos de la so carrera y con propuestes musicales de lo más variao.
Música folk, al llau de les víes del tren, onde vamos sentir a la formación Abéu. Los sos componentes conociéronse nel grupu folklóricu Trebeyu y dende ehí les sos inquietúes musicales foron llevar la música tradicional a les xeneraciones nueves dándo-y un enfoque más modernu.
Un nome esencial na escena del rock asturianu como Igor Paskual va formar parte d’esti trayectu y va facelo acompañáu por otru referente asturianu, nesti casu del rap, como ‘Arma X’. Cantante, guitarrista, compositor, productor, historiador, escritor… Igor Paskual ye un home cultu, amante del arte en xeneral. Más de 30 años nos escenarios avalen una trayectoria sólida qu’empezaba con Diana y los Rockatones, Babylon Chat, o Loquillo… Arma X va falanos de la so trayectoria musical, la so collaboración con Igor Paskual y el so proyectu musical nuevu con JotaDeJota, El Lapso (I am Stoned Atmosphere).
La nuestra posa siguiente ye la música de cámara del Trío Orbón. Marina Pardo, mezzosopranu; Iván Cuervo, clarinete y Carlos Galán, pianu, formen esta agrupación, singular pola so composición. Docentes nel conservatoriu Julián Orbón d’Avilés, los trés comparten dende va cuantayá producciones d’ópera y conciertos sinfónicos y camerísticos per una montonera d’escenarios de toa España.
Vamos siguir dando espaciu y voz a formaciones nueves, como ye’l casu del grupu indie rock Milana Bonita. Una banda que surde de la necesidá d’espresar y ufiertar la so música propia en castellanu.
La última posa musical llévanos al club de jazz Meidinerz con César Latorre trío, grupu formáu por trés grandes músicos asturianos como César Latorre (pianu), Horacio García (contrabaxu) y Félix Morales (batería), que tienen una carrera profesional llarga. Trés referentes na escena jazzística asturiana que se xunten pa tocar, amás de grabar y editar, porque Meidinerz Records
para visualizarlos
Lo último de Sonadía
T.1 Cap. 13
T.1 Cap. 12
T.1 Cap. 11
T.1 Cap. 10
Más de Sonadía
Sonadía 2024
9 programas© 2025 Radiotelevisión del Principado de Asturias | Todos los derechos reservados
Publicidad | Aviso Legal | Política de privacidad | Política de cookies | Consentimiento de cookies | RSS | Sobre RTPA | Entidad adherida a AUTOCONTROL